• Auglýsing
    Fjör í frjálsum

    UFA býður upp á frjálsíþróttaæfingar fyrir alla aldurshópa. Við getum bætt við okkur iðkendum í öllum aldursflokkum. Nánari upplýsingar hér.

  • Auglýsing
    MÍ11-14 2014

    UFA leggur metnað sinn í að ráða til sín þjálfara sem hafa menntun og reynslu af þjálfun og starfi með börnum. 

  • hlaup

    Langar þig að hlaupa?

    UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.

    Nánari upplýsingar hér.

     

Vetrarhlaup UFA

Vetrarhlaup UFA hafa verið haldin allt frá stofnun Langhlauparadeildar UFA 2003. Um hlaupasyrpu er að ræða sem samanstendur af fimm hlaupum sem haldin eru á tímabilinu frá október til mars og er keppt í stigakeppni einstaklinga og liða. Keppendur eru ekki bundnir af því að taka þátt í öllum hlaupunum og eru hlaupin öllum opin.

Tímasetning og hlaupaleiðir
Öll hlaupin hefjast á miðvikudögum kl. 17.30. Hlaupnar verða ólíkar leiðir, 6-9 km langar, frá mismunandi stöðum í bænum. Hlaupastaður og hlaupaleið verða kynnt hér á síðunni eigi síðar en tveimur sólarhringum fyrir hvert hlaup. Skráning fer fram á staðnum og hefst kl. 17.00.

Hlaupin verða eftirtalda daga:

31. október 
28. nóvember
30. janúar
27. febrúar
27. mars

Skráning og þátttökugjöld
Skráning á staðnum hálftíma fyrir hlaup. Þátttökugjald kr. 500 fyrir hvert hlaup.

Stigakeppni einstaklinga
Keppt er í stigakeppni í karla- og kvennaflokki og í tveimur aldursflokkum; 39 ára og yngri og 40 ára og eldri. Fyrir fyrsta sæti í hverju hlaupi eru gefin tíu stig, níu stig fyrir annað sæti og þannig koll af kolli niður í níunda sæti sem gefur tvö stig, sæti þar fyrir aftan gefa síðan eitt stig. Ef tveir einstaklingar eru jafnir að stigum eftir fimmta hlaupið gildir sú regla að sá sem hefur oftar unnið hinn sigrar.

Stigakeppni liða
Þrír til fimm einstaklingar geta skipað hvert lið. Árangur er metinn út frá frammistöðu keppenda í stigakeppni aldursflokka og reiknast stiginn út frá árangri þriggja stigahæstu liðsmanna í hverju hlaupi. Stig þriggja efstu manna í hverju liði eru talin saman og fær það lið sem flest stig hlýtur fimm stig í liðakeppninni, annað stigahæsta liðið fær fjögur stig og þannig koll af kolli. Líkt og í einstaklingskeppninni fæst eitt stig fyrir hvert hlaup þar sem í það minnsta þrír keppendur úr liðinu mæta til keppni.

Verðlaun
Verðlaun verða veitt fyrir fyrstu sæti í stigakeppni karla og kvenna og fyrsta sæti í liðakeppninni. Að loknu síðasta hlaupi í mars verða einnig dregin út útdráttarverðlaun og á þá hver og einn þátttakandi einn miða í pottinum fyrir hvert hlaup sem hann tekur þátt í.

 

 


   





Svæði

 Ungmennafélag Akureyrar   |   UFA