• Auglýsing
    Toyota Akureyri og TM styrkja Hafdísi fram yfir Ríó 2016

    Toyota Akureyri og Tryggingamiðstöðin hafa sameinast um að styrkja frjálsíþróttakonuna Hafdísi Sigurðardóttur fram yfir Ólympíuleikana í Ríó í Brasilíu sumarið 2016. Toyota Akureyri leggur Hafdísi til nýja og glæsilega Toyota Yaris Hybrid bifreið endurgjaldslaust, sem TM tryggir á þessu tímabili, Hafdísi að kostnaðarlausu.

     

  • Hafdís með Íslandsmet í langstökki

    Hafdís Sigurðardóttir bætti Íslandsmetið í langstökki á 2. hluta Vormóts UFA í gær. Hafdís stökk lengst 6,54 m í mótinu og var það sigurstökk mótsins.  Sá árangur verður þó ekki skráður sem Íslandsmet vegna þess að vindur var +2,1m/sek. Íslandsmet hennar 6,45 m með +1,9m/sek í vind kom í annarri umferð. Fyrra met Hafdísar í greininni var 6,41 m sett í Evrópukeppni landsliða í Tbliisi í Georgíu í fyrra.

  • Auglýsing
    Fjör í frjálsum

    UFA á uppleið

    Frjálsíþróttafólk úr UFA hefur náð góðum árangri undanfarin misseri. Nú sem aldrei fyrr er mikilvægt að við styðjum dyggilega við bakið á afreksfólkinu okkar og höldum áfram að byggja upp öflugt barna og unglingastarf. Til að það sé mögulegt þurfum við á öflugum hópi sjálfboðaliða að halda.

    Getur þú lagt okkur lið?

  • hlaup

    Langar þig að hlaupa?

    UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.

    Nánari upplýsingar hér.

     

  • Auglýsing
    MÍ11-14 2014

    Hafdís íþróttamaður Akureyrar 2014

    Hafdís Sigurðardóttir er íþróttamaður Akureyrar 2014. Þetta er annað árið í röð sem Hafdís hlýtur þennan heiðurstitil enda vel að honum komin. Hún hefur náð góðum árangri í langstökki og spretthlaupum undanfarin misseri og slegið hvert íslandsmetið á fætur öðru.

    Meira hér.

Hausthlaup

Hausthlaup UFA hefur verið haldið í september frá því árið 2010.  Hlaupinn er 10 km hringur frá Átaki, sami hringur og í Akureyrarhlaupi. Umgjörð hlaupsins er einföld, engin verðlaun né veitingar og þjónusta við hlaupara í lágmarki, en þó nægileg til að uppfylla kröfur um löglegt hlaup.

Hlaupaleið: Byrjað á Glerárgötu við Hof. Hlaupið niður Strandgötu og inn á Hjalteyrargötu, beygt niður Gránufélagsgötu, norður Laufásgötu og upp Silfurtanga. Hjalteyrargötu og Krossanesbraut fylgt til norðurs að Óseyri. Hlaupið eftir Óseyrinni og tekinn hringur við smábátahöfnina. Sömu leið fylgt til baka að Hof, haldið áfram suður eftir Glerárgötu og Drottningarbraut að snúningspunkti sem er á móts við Mótorhjólasafn Íslands, hlaupið til baka eftir Drottningarbraut og Glerárgötu og endað við Hof. Smellið hér til að sjá kort af leiðinni.

Úrslit í hausthlaupi UFA 2014

Úrslit í hausthlaupi UFA 2013

Úrslit í hausthlaupi UFA 2012

Úrslit í hausthlaupi UFA 2011

Úrslit í hausthlaupi UFA 2010

 

 

 

       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       

 

Svæði

 Ungmennafélag Akureyrar   |   UFA