• MÍ 11-14 2021
  • hlaup

    Langar þig að hlaupa?

    UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.

    Nánari upplýsingar hér.

     

  • MÍ 15-22 ára 2021

    UFA býður upp á frjálsíþróttaæfingar fyrir alla aldurshópa. Við getum bætt við okkur iðkendum í öllum aldursflokkum. Nánari upplýsingar hér.

Æfingar og gjaldskrá

Æfingar eru þrisvar í viku, á mánudögum og miðvikudögum kl. 17.15 og á laugardögum kl. 9.00/9.30. Aðalþjálfari hópsins er Rannveig Oddsdóttir en auk hennar koma fleiri að þjálfun hjá félaginu. Hægt er að fá nánari upplýsingar um æfingar á netfanginu: ufaeyrarskokk@gmail.com eða í síma 8647422.

Æfingar hópsins eru settar niður fyrir þrjá æfingahópa:

Byrjendur og hófsamir hlauparar: Fólk sem er að byrja að hlaupa, eða vill bara nota hlaupin til að halda sér í formi með því að hlaupa reglulega. Æfingar þessa hóps eru yfirleitt á bilinu 6–8 km á mánudögum og miðvikudögum en 8–15 km á laugardögum.

Áhugahlauparar: Fólk sem er komið á bragðið og er nokkuð sjálfstætt með sínar æfingar. Fólk sem vill nota hlaupin til að halda sér í formi og gjarnan taka þátt í keppnishlaupum líka svo sem 5 km, 10 km og hálfmaraþoni. Sumir fyrst og fremst til gamans en aðrir til að ná fyrirfram settum markmiðum.

Afrekshlauparar: Hópur sem er tilbúinn til að setja markið hátt. Fólk sem er komið í gott hlaupaform og vill stefna á keppni og bætingar í styttri eða lengri vegalengdum.

Hópurinn hittist á mismunandi stöðum. Hlaupastaður er auglýstur á facebooksíðu hópsins sem hlauparar fá aðgang að þegar æfingagjöld hafa verið greidd. Þeir sem eru að mæta á sína fyrstu æfingu geta haft samband við þjálfara í gegnum tölvupóst eða síma og fengið að vita hvar á að mæta.

 

Gjaldskrá

Æfingaárið er frá 1. maí til 30. apríl og árgjaldið miðast við þann tíma. Ef komið er inn á öðrum tímum er greitt  hlutfallslegt gjald í samræmi við það, sjá töflu hér að neðan. Einnig er hægt að semja um að kaupa tímabundinn aðgang að hópnum, svo sem ef fólk vill aðeins æfa yfir sumartímann. Sumargjaldið er kr 12.000 og gildir út september.

Gjaldskrá                    
Maí 20.000   Nóvember 11.000
Júní 18.500   Desember   8.500
Júlí 17.000   Janúar 7.000
Ágúst 15.500   Febrúar 5.500
September  14.000   Mars 4.000
Október 12.500   Apríl frítt

 

Tekið er við skráningum á netfangið: ufaeyrarskokk@gmail.com einnig er hægt að fá nánari upplýsingar um hópinn og hlaupastarfið í gegnum það netfang.

Æfingagjöld greiðist inn á reikning: 0565-14-100955 kt. 520692-2589
sendið kvittun fyrir greiðslu á ufaeyrarskokk@gmail.com.

 

Svæði

 Ungmennafélag Akureyrar   |   UFA