Mæting í Lystigarðinn við LYST-kaffihús þar sem hlaupið er ræst til suðurs. Hlaupið er í suður út úr Lystigarði við SAK, beygt til hægri og hlaupið upp að Þórunnarstræti. Farið er yfir gangbrautina á Þórunnarstræti, beygt til vinstri og hlaupið að Mímisbraut, beygt til hægri og þar upp að Mýrarvegi. Við Mýrarveg er beygt til hægri og hlaupið norður Mýrarveginn að Álfabyggð, þar sem beygt er til hægri og farið niður Álfabyggðina að Þórunnarstræti. Við Þórunnarstræti farið þið yfir gangbraut og inn á MA-bílastæðið, hlaupið beint niður að og í gegnum Lystigarðinn og út um hann aftur við SAK þar sem beygt er núna til vinstri. Hlaupið er niður bílastæðið við SAK niður Eyrarlandsveg, meðfram Lystigarðinum, framhjá MA að Hrafnagilsstræti. Beygið þar til vinstri og farið upp Hrafnagilsstræti að Þórunnarstræti þar sem beygt er aftur til vinstri, hlaupið suður að göngustíg sem liggur meðfram heimavist MA/VMA, beygt til vinstri inn á hann, loks tekin 90 gráðu beygja á göngustígum og þaðan hlaupið inn í og í gegnum garðinn að LYST- kaffihúsi, þetta er 1 hringur.
HLAUPINU LÝKUR EFTIR 2 SVONA HRINGI.
Tveir hringir eru tæplega 6 km.
