Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Landsmótsmaraþon - kynningarfundur
Landsmót UMFÍ 2009 og Ungmennafélag Akureyrar efna til kynningarfundar í Hamri v/Skarðshlíð miðvikudaginn 15. apríl kl. 21:00 um landsmótsmaraþon 2009, sem verður hlaupið 11. júlí í sumar. Boðið verður upp á fjórar vegalengdir; skemmtiskokk, 10 km, hálft maraþon og heilt maraþon.
Stefnt er að fjölmennasta almenningshlaupi á Akureyri til þessa. Nú taka allir þátt. Aldrei of seint að setja sér markmið, velja sér vegalengd við hæfi og taka stefnuna á 11. júlí.
Þaulvanir hlauparar mæta á fundinn og miðla af sinni reynslu um raunhæf æfingaplön o.fl.
Komið, fræðist og takið þátt í skemmtilegum umræðum.
Lesa meira
Stefnt er að fjölmennasta almenningshlaupi á Akureyri til þessa. Nú taka allir þátt. Aldrei of seint að setja sér markmið, velja sér vegalengd við hæfi og taka stefnuna á 11. júlí.
Þaulvanir hlauparar mæta á fundinn og miðla af sinni reynslu um raunhæf æfingaplön o.fl.
Komið, fræðist og takið þátt í skemmtilegum umræðum.
Úrslit í bikarkeppni 21. mars
21. mars síðastliðinn fór bikarkeppni norðurlands fram í Boganum. UFA sigraði keppnina með 121 stigi, UMSS var í öðru sæti með 112 stig og USAH í því þriðja með 33 stig.
Lesa meira
Atli Steinn og Sigríður unnu stigakeppni Vetrarhlaupanna
Vetrarhlaupasyrpu UFA lauk í morgun þegar sjötta hlaup vetrarins fór fram. Rúmlega 20 hlauparar mættu til leiks og hlupu 10 km. hring í fallegu vetrarveðri, en tölverðu frosti og hálu færi. Atli Steinn Sveinbjörnsson var fyrstur á 41:41. annar í karlaflokki var Þröstur Már Pálmason á 42:40 og þriðji var Sævar Helgason á 42:51. Rannveig Oddsdóttir var fyrst kvenna á 42:21, önnur var Sigríður Einarsdóttir á 44:33 og þriðja var Björk Sigurðardóttir á 47:06.
Að hlaupi loknu voru veitt verðlaun fyrir stigakeppni vetrarins. Í karlaflokki sigraði Atli Steinn stigakeppnina en hann hlaut 15 stig, Bjartmar Örnuson var annar með 14 stig og þriðji var Þröstur Már Pálmason með 11 stig. Í kvennaflokki sigraði Sigríður Einarsdóttir stigakeppnina með 22 stigum, önnur var Björk Sigurðardóttir með 21 stig og þriðja var Rannveig Oddsdóttir með 20 stig. Ljósgjafinn/Siemenns gaf glæsileg verðlaun til þriggja fyrstu í karla og kvennaflokki. Og líkamsræktarstöðin Bjarg gaf fjölda útdráttarverðlauna og verðlaun til sigursveitarinnar í sveitakeppninni. En það var sveit hlaupara frá Bjargi sem sigraði liðakeppnina.
