UFA hefur haldið 1. maí hlaupið allt frá fyrstu starfsárum sínum og hefur hlaupið vakið lukku hjá ungum sem öldnum enda mikil áhersla á gleði og að fá sem flesta til að hlaupa með okkur.
Hlaupaleiðir og vegalengdir
Leikskólahlaup: 400 m fyrir börn fædd 2019 og síðar
Grunnskólahlaup: Val milli 2 km eða 5 km
Fólk á öllum aldri: 5 km hlaup
Hlaupið er frá Þórsvellinum, þ.e. frjálsíþróttavellinum við Bogann. Hægt er að sjá kort af leiðunum með því að smella á fyrirsagnirnar.
Hlaupaleið í 2 km hlaupi (ekki sama leið og í fyrra)
Hlaupið er ræst við suðurenda stúkunnar, hlaupið er eftir brautinni öfugan hring 300m og hlaupið út um hliðið við Glerárskóla. Þar er beygt til vinstri, hlaupið framhjá körfuboltavelli og sparkvelli og upp á göngustíg fyrir ofan. Þar er beygt til hægri stígurinn er hlaupinn út á enda og niður Háhlíð. Beygt þar til hægri og hlaupið eftir Höfðahlíðinni framhjá Glerárskóla og alla leið upp að Skarðshlíð. Þar er beygt til hægri og hlaupið meðfram Skarðshlíð að Borgarhlíð. Hlaupið er niður Borgarhlíð og niður að göngustíg fyrir ofan íþróttavöllinn. Beygt til vinstri á göngustígnum, hlaupið eftir stígnum að Hamri og inn á völlinn ofan við Hamar, endað inni á vellinum á sama stað og byrjað var.
Hlaupaleið í 5 km hlaupi
Hlaupið er ræst á vellinum hlaupið "öfugan" hring á vellinum fyrstu 300 metrana, og útaf honum í gegnum hlið hjá Glerárskóla, beygt til vinstri og hlaupið framhjá "Garðinum hans Gústa", beygt til hægri og hlaupið að og yfir Höfðahlíð. Beygt til hægri og hlaupið meðfram Höfðahlíðinni þar til beygt er til vinstri yfir rauðu göngubrúna yfir Glerá. Hlaupið undir Borgarbraut (undirgöng) beygt strax til vinstri eftir göngin og aftur til vinstri þegar komið er að Borgarbraut. Hlaupið er upp Borgarbrautina og inn á göngustíginn sem liggur ofan Glerár og honum fylgt upp á Hlíðarbraut og síðan niður á Þingvallastræti. Beygt inn á göngustíg á móts við Hrísalund, framhjá háskólanum og gegnum undirgöngin undir Borgarbrautina, yfir Glerá og upp á Höfðahlíð. Krækt niður fyrir Glerárskóla og inn á völlinn að markinu.
Keppni hefst kl. 12:00 í krakkahlaupinu en 12:45 í 5 km
Hlaupin verða ræst í þessari röð:
Leikskólahlaup kl. 12:00 - Allir leikskólakrakkar hlaupa saman einn hring á vellinum.
2 km hlaup, fyrsti hópur kl. 12:15
- 7-8 ára (stelpur og strákar)
- 9-10 ára (stelpur og strákar)
- 11 ára og eldri (stelpur og strákar)
Foreldrum er velkomið að fylgja börnum sínum í hlaupinu og þurfa ekki að greiða þátttökugjöld fyrir það.
5 km hlaup kl. 12:45 - Allir hlauparar ræstir á sama tíma.
Skráning og keppnisnúmer
Eingöngu er hægt að skrá sig í forskráningu, fyrir keppnisdag.
Sækja þarf keppnisgögn (númer) í Hamar, miðvikudaginn 30. apríl frá kl. 16-18 eða á keppnisdag í Hamri frá kl. 9:30–11:30.
Þátttökugjöld
Börn 16 ára og yngri: frítt
Fullorðnir: kr. 2000
Verðlaun, viðurkenningar og veitingar
Allir þátttakendur fá pizzusneið frá Sprettinum og hressingu frá MS í lok hlaups gegn afhendingu þátttökunúmers.
Allir þátttakendur fá viðurkenningarpening og frímiða í sund.
Verðlaun verða veitt fyrir fyrstu þrjá keppendur í eftirtöldum aldurshópum í 5 km hlaupinu:
12 ára og yngri (fæðingarár 2013 og síðar)
13-14 ára (fæðingarár 2011-2012)
15-16 ára (fæðingarár 2009-2010)
17 ára og eldri (2008-)
Hlaupið er keppni á milli grunnskóla þar sem keppt er um hlutfallslega þátttöku og sá skóli sem sigrar hlýtur verðlaunabikar.
Styrktaraðilar
Akureyrarbær, Þelamerkurskóli, Svalbarðsstrandarhreppur og Eyjafjarðarsveit.
Sprettur-inn, MS og stéttarfélögin á Eyjafjarðarsvæðinu
Kunnum við styrktaraðilum bestu þakkir fyrir stuðninginn!
