Akureyrarhlaup hefur verið árviss viðburður í Íþróttalífi Akureyringa frá 1992.
Hlaupið er styrkt af Akureyrarbæ og Heilsueflandi samfélagi.
Hlaup fyrir alla, unga sem aldna, byrjendur og lengra komna!
Hlaupaleiðin
Boðið er upp á þrjár vegalengdir 5 km, 10 km og hálfmaraþon. Keppni í hálfmaraþoni er jafnframt Íslandsmeistaramót í greininni. Þar er keppt um Íslandsmeistaratitla í hálfmaraþoni karla og kvenna og einnig um Íslandsmeistara í aldursflokkum.
Rás- og endamark er við menningarhúsið Hof og er hlaupið um eyrina og meðfram ströndinni í átt að flugvellinum svo hlaupaleiðin er marflöt og vænleg til góðra afreka.
Hér má sjá nánari lýsingar og kort af hlaupaleiðunum.
Skráning
Skráning fer fram á netskraning.is og einnig verður hægt að skrá sig í World Class á keppnisdag milli kl. 17.00 og 18.30. Athugið að öll keppnisgjöld hækka um 1000 kr á miðnætti 2. júní.
5 km hlaup kr. 2.500 í forskráningu, kr. 3.500 á keppnisdag
10 km hlaup kr. 3.500, kr. 4.500 á keppnisdag
Hálfmaraþon kr. 5.500, kr. 6.500 á keppnisdag.
18 ára og yngri greiða aðeins 1500 kr. í allar vegalengdir í forskráningu en kr. 2.500 á keppnisdag.
Tímataka og úrslit
Tímataka.is mun annast tímatöku í hlaupinu. Keppendur fá afhent hlaupanúmer sem þeir þurfa að hafa sýnilegt að framan, fyrir ofan mittishæð allt hlaupið. Í númerinu er tímatökuflaga sem skannast þegar hlaupið er yfir tímatökumottur í byrjun og lok hlaupsins. Mikilvægt er að bera hendurnar ekki fyrir flöguna þegar hlaupið er yfir mottuna því það getur komið í veg fyrir að flagan skannist. Bíðið því með að stoppa klukkuna ykkar þar til þið hafið hlaupið yfir mottuna.
Úrslit verða birt á vefnum timataka.is strax að loknu hlaupi og síðar á Hlaupasíðunni og í afrekaskrá FRÍ.
Verðlaun
Veitt eru verðlaun fyrir fyrstu þrjú sætin í öllum vegalengdum og verðlaunapeningar fyrir aldursflokka. Einnig verður dreginn út fjöldi útdráttarverðlauna.
Keppt er í eftirfarandi aldursflokkum:
5km: 15 ára og yngri, 16-39 ára, 40-49 ára, 50 ára og eldri
10km: 15 ára og yngri, 16-39 ára, 40-49 ára, 50 ára og eldri
Hálfmaraþon: Keppt í karla og kvennaflokki og um Íslandsmeistaratitla í eftirfarandi flokkum: 18–19 ára, 20–22 ára, 23–39 ára, 40–44 ára, 45–49 ára, 50–54 ára, 55–59 ára, 60–64 ára, 65–69 ára, 70–74 ára, 75–79 ára, 80–84 ára, 85–89 ára.
Auk þess verða veitt peningaverðlaun fyrir ný brautarmet í öllum vegalengdum.
Gildandi brautarmet eru eftirfarandi:
| 5 km | 14:40 Baldvin Þór Magnússon 2021 | 17:54 Sigþóra Brynja Kristjánsdóttir 2024 |
| 10 km | 30:18 Kári Steinn Karlsson 2012 | 34:57 Guðlaug Edda Hannesdóttir 2020 |
| 21,1 km | 1:08:22 Arnar Pétursson 2023 | 1:15:59 Andrea Kolbeinsdóttir 2024 |
Dagskrá á hlaupadag
| 16.00-19.00 | Afhending keppnisgagna í World Class (Tekið við nýskráningum til kl. 18.30) |
| 19.00 | Fyrri ræsing í hálfmaraþoni - hlauparar sem reikna með að vera lengur en 1:50:00 að hlaupa |
| 19.30 | Seinni ræsing í hálfmaraþoni - hlauparar sem reikna með að vera fljótari en 1:50:00 að hlaupa |
| 20.05 | Ræsing í 5 og 10 km hlaupi |
| 20.20-22.00 | Hauparar koma í mark. Veitingar í boði á marksvæði og hægt að fara í sturtu í World Class |
| 22:00 | Tímatöku lýkur |
| 21.30-22.00 | Verðlaunaafhending í World Class |
