Fréttir

Bjarki Gíslason er íþróttamaður ársins 2009 hjá UFA. Hann var valinn í A-landslið Íslands í frjálsum íþróttum og fór tvisvar erlendis til keppni fyrir Íslands hönd á sl. sumri. Bjarki er fjölhæfur frjálsíþróttamaður og er stangarstökk hans aðalgrein, en hann hefur einnig verið valinn í landsliðið til keppni í langstökki og þrístökki. Einnig er hann í úrvalshópi ungmenna hjá Frjálsíþróttasambandi Íslands. Hann er langstigahæsti íþróttamaður UFA og á gildandi Íslandsmet í þremur aldurflokkum í stangarstökki, þ.e. í flokki 17-18 ára drengja, flokki 18-19 ára unglinga og flokki unglinga 20-22 ára bæði utan- og innanhúss; 4,65m innanhúss og 4,68 utanhúss. Bjarki stundar íþrótt sína af kappi og áhuga og slær aldrei slöku við. Síðast en ekki síst má nefna að Bjarki er einstaklega góður félagi,  eflir liðsandann og er fyrirmynd annara ungmenna utan vallar sem innan.

 

Miðvikudaginn 13. janúar kl. 18:00 verður haldinn fundur með foreldrum iðkenda 11 ára og eldri í kaffiteríu íþróttahallarinnar. Hlestu mál til umræðu eru mót framundan og frjáröflun. Á sama tíma verður tekið við greiðslu æfingagjalda.

Frjálsíþróttaæfingar eru nú hafnar að nýju eftir jólafríið og íþróttaskólinn byrjar á fimmtudaginn. Við vekjum athygli á því að fram til 22. janúar geta allir komið og fengið að prufa. Sjá má æfingatíma allra hópa hér.
Æfingagjöld eru þau sömu og á haustönninni og er veittur 10% afsláttur af æfingagjöldum ef greitt er fyrir 25. janúar. Einnig er veittur systkinaafsláttur, hálft gjald fyrir annað barn og fleiri.