Fréttir

Vetrarírþóttahátíð ÍSÍ 2010 stendur nú sem hæst. Einn af viðburðum helgarinnar er snjóhlaup á vegum UFA. Hlaupið er fyrst og fremst hugsað sem skemmtileg útivera fyrir fólk á öllum aldri. Hlaupið fer fram umhverfis tjörnina neðan við Skautahöllina. Þar verður lögð u.þ.b. 1000 m braut þar sem hlaupið verður á snjó. Brautin verður opin frá kl. 13-15 og getur fólk komið á þeim tíma og spreytt sig á hringnum.

Aðalfundur UFA verður haldinn í kaffiteríu íþróttahallarinnar miðvikudagskvöldið 24. febrúar kl. 20:00. Á dagskrá fundarins eru venjuleg aðalfundarstörf og umræða um starf félagsins, að ógleymdu glæsilegu kaffihlaðborði í boði iðkenda. Iðkendur og foreldrar þeirra eru hvattir til að mæta og hafa með sér eitthvað til að leggja á sameiginlegt kaffihlaðborð.

Vegna öskudags og vetrarfría hefur verið ákveðið að fresta fundi með foreldrum 11-14 ára iðkenda til fimmtudagsins 25. febrúar. Fundurinn verður haldinn í Hamri að lokinni æfingu kl. 18:00- 18:30. Eins og fram kom í fyrri frétt er aðalefni fundarins að ræða um ferðina á meistaramótið helgina 13. - 14. mars.