Fréttir

Bjartmar Örnuson og Ásgerður Jana Ágústsdóttir eru þessa dagana að keppa á Gautaborgarleikunum í Gautaborg. Keppendur eru 3.200 talsins og koma frá norðurlöndunum og víðar að úr heiminum. Íslensku keppendurnir eru á annað hundrað, flestir frá ÍR. Bjartmar keppti í gær í 400 m hlaupi, og náði sínum besta tíma, hljóp á 51,01 sek. Ásgerður Jana sem keppir í flokki 15 ára hefur keppt í mörgum greinum og staðið sig vel, m.a. varð hún í 4.sæti í hástökki, stökk 1,56m. Bjartmar keppir svo í 800m hlaupi í kvöld.

Dagana 12-16. júlí nk. verður Frjálsíþróttaskóli UMFÍ haldinn á Akureyri en UFA og UMSE sjá um skólann. Frjálsíþróttaskóli UMFÍ er ætlaður ungmennum á aldrinum 11–18 ára. Ungmennin koma saman á hádegi á mánudegi en skólanum lýkur á hádegi á föstudegi í sömu viku. Aðaláhersla er lögð á kennslu í frjálsum íþróttum. Auk frjálsra íþrótta er farið í sund, leiki, óvissuferðir og haldnar verða kvöldvökur. Ungmennin borga 15.000 þúsund krónur í þátttökugjald en innifalið í verðinu er kennsla, fæði og gisting alla dagana.

Skráning í skólann fer fram á heimasíðu UMFÍ: http://umfi.is/umfi09/veftre/skraning_i_frjalsithrottaskolann/

Heimasíða skólans á Akureyri er: http://sites.google.com/a/umse.is/frjalsithrottaskoli/ (síðan er enn í vinnslu)

Hér koma smá fréttir af seinni degi sumarleikanna.
Agnes Eva Þórarinsdóttir 17-18 ára sigraði í 200m hlaupi á 27,93sek og í langstökki, stökk 5,08m 
Örn Dúi Kristjánsson 17-18 ára sigraði í 200m hlaupi á 24,27sek og í 110m grind á 15,81sek
Rún Árnadóttir í flokki 11-12 ára varð í 1.sæti í hástökki, stökk 1,38m og í sleggjukasti með 21,03m 
Kolbeinn Höður Gunnarsson í flokki 15-16 ára sigraði í langstökki með 5,64m og í 200m hlaupi á 23,61sek 
Heiðrún Dís Stefánsdóttir 1.sæti í 100m grind 17-18 ára á 17,11sek 
Stefán Þór Jósefsson 1.sæti í stangarstökki 17-18 ára stökk 3,0m og í 800m hlaupi á 2,15,08mín  
Ormar Agnarsson 1.sæti í sleggjukasti í karlaflokki, kastaði 32,35m 
Bjartmar Örnuson 1.sæti í 800m hlaupi karla á 1,58,83mín og í 200m hlaupi á 24,38sek
Ásgerður Jana Ágústsdóttir 13-14 ára 1.sæti í spjótkasti, kastaði 29,69m
Elvar Örn Sigurðsson 1.sæti í kúluvarpi karla með 10,51m
Boðhlaupssveitirnar urðu svo í 1.sæti bæði í karla- og kvennaflokki.
Til gamans má geta þess að tvö Íslandsmet voru sett á leikunum, en Atli Geir Sverrisson 12 ára frá ÚÍA kastaði sleggjunni 27,83m og setti með því met í sínum aldursflokki, síðan bætti Stefanía Aradóttir Íslandsmet sitt í sleggjukasti 15-16 ára, en hún kastaði 44,86m  Þá náði Þorsteinn Ingvarsson HSÞ mjög góðum árangri í langstökki en hann stökk 7,66m en í aðeins of miklum meðvindi, en stökk svo 7,60m sem var gilt stökk.