Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Oddeyrarskóli og Grunnskólinn í Hrísey sigurvegarar í 1. maí hlaupi
Hátt í fjögur hundruð manns tók þátt í 1. maí hlaupi UFA sem fram fór í vorblíðunni í dag. Að þessu sinni var keppt í tveimur stærðarflokkum skóla, fámennum skólum (innan við 100 nemendur) og fjölmennum skólum (100 nemendur eða fleiri. Grunnskólinn í Hrísey sigraði með nokkrum yfirburðum í skólakeppni fámennu skólanna með 81,8% þáttöku og Þelamerkurskóli var í öðru sæti í þeim flokki með rúmlega 50% þátttöku . Í skólakeppni fjölmennra skóla var hörð barátta um efsta sætið. Oddeyrarskóli sigraði með 11% þátttöku og í öðru sæti var Giljaskóli með 10,6% þátttöku, Lundarskóli var svo í þriðja sæti með 7,6% þáttöku.
Að hlaupi loknu var öllum boðið upp á Greifa-pizzur og Svala og dregin voru út útdráttarverðlaun frá Sportveri.
Við birtum hér úrslti í 5 km hlaupi -en þó með þeim fyrirvara að enn er eftir að finna út úr nokkrum númerum sem ekki stemmdu við skráninguna. Þeir sem hafa ábendingar varðandi tíma í 5 km hlaupi geta haft samband við Rannveigu á netfangið: rannodd@hi.is
Forskráningu í 1. maí hlaup lokið
Forskráningu í 1. maí hlaup UFA er lokið en hægt verður að skrá sig að morgni 1. maí milli kl. 10:00 og 11:30 í Hamri (félagsheimili Þórs). Þeir sem skráðu sig í á netinu þurfa að sækja númerin sín og greiða þátttökugjöld á sama stað og tíma. Við vekjum athygli á því að við erum ekki með posa á staðnum, svo það verður að greiða með reiðufé. Einnig má millifæra á reikning félagsins (Kt. 520692 2589
Reikningsnúmer: 1145 26 7701) og prenta út kvittun sem framvísað er sem greiðslu.
1. maí hlaup
Skráning er hafin í 1. maí hlaup UFA sem fram fer á sunnudaginn. Hægt er að skrá sig með því að senda póst á netfangið ufa@ufa.is og gefa upp nafn, fæðingarár, skóla (ef um grunnskólanemanda er að ræða) og vegalengd sem á að hlaupa og einnig er tekið við skráningum í Sportveri á Glerártorgi. Við vekjum athygli á því að í ár er keppt í tveimur flokkum skóla í grunnskólakeppninni, flokki fámennra skóla (innan við 100 nemendur) og flokki fjölmennra skóla (100 nemendur eða fleiri) og einnig er í fyrsta skipti boðið upp á leikskólahlaup. Helstu styrktaraðilar hlaupsins eru eins og undanfarin ár, Greifinn, Sportver og Verkalýðsfélögin á Norðurlandi.
