Fréttir

Við viljum endilega sjá sem flesta taka þátt í Akureyrarhlaupi Íslenskra verðbréfa á fimmtudaginn og hvetjum við unga sem aldna til að skrá sig til leiks. Til að koma á móts við fjölskyldur í formi veitum við sérstakan fjölskylduafslátt af skráningargjöldum. Greitt er fullt verð fyrir fullorðna, 1000 kr. fyrir fyrsta barn en frítt fyrir önnur börn. Tilboðið miðast við foreldra og börn þeirra undir 18 ára aldri og þarf að skrá sig í Átaki miðvikudaginn 29. júní til að fá afsláttinn. Athugið að við erum ekki með posa svo það þarf að greiða í reiðufé. 

10 keppendur frá UFA kepptu á Meistaramóti Íslands 11-14 ára í Vík í Mýrdal um síðustu helgi. Stóðu krakkarnir sig virkilega vel þrátt fyrir slæmt veður seinni daginn.

UFA eignaðist 2 Íslandsmeistara auk þess sem þrír einstaklingar unnu silfur í sínum greinum, boðhlaupssveit 13 ára stúlkna vann silfur og 4 brons.

Akureyrarhlaup Íslenskra verðbréfa verður haldið næstkomandi fimmtudag. Hlaupið hefst við Átak kl. 20:00 og er keppt í þremur vegalengdum 5 km, 10 km og hálfmaraþoni. Skráning er hafin á hlaupasíðunni (hlaup.is) og einnig verður hægt að skrá sig í Átaki milli kl. 16:00 og 20:00 á miðvikudaginn. Athugið að skráningu lýkur kl. 20:00 á miðvikudag og ekki verður hægt að skrá sig á staðnum á keppnisdag. Nánari upplýsingar um hlaupið er að finna á heimasíðu hlaupsins.