Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Grunnskólamót
Nú er lokið öllum grunnskólamótum UFA þetta vorið og þökkum við öllum sem þátt tóku á einn eða annan hátt. Það er mat okkar að vel hafi til tekist og vonandi að þátttakendur séu sama sinnis og hafi haft gaman af. Æfingar hjá UFA eru auglýstar hér neðar á síðunni og þegar grunnskólum lýkur tekur við sumartafla sem einnig má sjá hér neðar á síðunni. En takk allir enn og aftur fyrir þátttökuna og sjáumst sem fyrst aftur á frjálsíþróttavellinum.
Lesa meira
Bjarki íslandsmeistari í fjölþraut
Þá er seinni degi MÍ í fjölþrautum lokið. Okkar fólk stóð sig vel, Bjarki Gíslason
sigraði karlaflokkinn var með 6.492 stig sem er stórbæting á Akureyrarmeti sem hann átti sjálfur frá 2008. Með þessum árangri hefur Bjarki auk þess unnið sér inn rétt til að keppa á Norðurlandamótinu í fjölþrautum sem fram fer í Danmörku í lok júní en lágmarkið fyrir það mót er 6.400 stig. Elvar Örn Sigurðsson varð í 3.sæti í sama flokki. Örn Dúi Kristjánsson varð í 2. sæti í flokki 17-18 ára og Stefán Þór Jósefsson í 3.sæti. Heiðrún Dís Stefánsdóttir varð í 4. sæti í kvennaflokki og Ásgerður Jana náði 3.sæti í flokki 15-16 ára.
Ágætis byrjun á sumrinu hjá okkar fólki.
Meistaramót Íslands í fjölþrautum
Nú um helgina fer fram á Kópavogsvelli, meistaramót Íslands í fjölþrautum og lengri boðhlaupum. Um 40 keppendur eru skráðir til leiks. UFA á 6 keppendur á mótinu en Bjarki Gíslason og Elvar Örn Sigurðsson keppa í tugþraut í karlaflokki, Örn Dúi Kristjánsson og Stefán Þór Jósefsson keppa í tugþraut í flokki 17-18 ára. Heiðrún Dís Stefánsdóttir og Ásgerður Jana Ágústsdóttir keppa í sjöþraut, Heiðrún Dís í kvennaflokki og Ásgerður Jana í flokki 15-16 ára.
Eftir fyrri dag er Bjarki í 1.sæti í karlaflokki og Elvar Örn í 3.sæti, Örn Dúi í 2.sæti í flokki 17-18 ára og Stefán Þór í 3.sæti. Heiðrún Dís er í 4.sæti í kvennaflokki og Ásgerður Jana er í 3.sæti í flokki 15-16 ára. Fínn árangur í dag, en á morgun verður síðan keppni haldið áfram. Úrslit í einstökum greinum má sjá inn á mot.fri.is
