Næstkomandi laugardag 26. júní fer Akureyrarhlaup KEA fram og sér UFA að vanda um framkvæmd hlaupsins. Boðið er upp á þrjár vegalengdir 10 km og hálfmaraþon með tímatöku og 2,5 km skemmtiskokk án tímatöku. Skráning í hlaupið er hafin á hlaupasíðunni en einnig verður hægt að skrá sig á Glerártorgi og í Átaki á föstudaginn og við Átak á laugardagsmorgun. Nánari upplýsingar um hlaupið má sjá á heimasíðu hlaupsins www.akureyrarhlaup.is
Spáin er góð, hlaupaleiðirnar marflatar og vænlegar til góðra afreka og vonum við að sem flestir nýti tækifærið til að spretta úr spori í góðum félagsskap.
