Fréttir

Þá er seinni degi MÍ í fjölþrautum lokið. Okkar fólk stóð sig vel, Bjarki Gíslason
sigraði karlaflokkinn var með 6.492 stig sem er stórbæting á Akureyrarmeti sem hann átti sjálfur frá 2008. Með þessum árangri hefur Bjarki auk þess unnið sér inn rétt til að keppa á Norðurlandamótinu í fjölþrautum sem fram fer í Danmörku í lok júní en lágmarkið fyrir það mót er 6.400 stig. Elvar Örn Sigurðsson varð í 3.sæti í sama flokki. Örn Dúi Kristjánsson varð í 2. sæti í flokki 17-18 ára og Stefán Þór Jósefsson í 3.sæti. Heiðrún Dís Stefánsdóttir varð í 4. sæti í kvennaflokki og Ásgerður Jana náði 3.sæti í flokki 15-16 ára.
Ágætis byrjun á sumrinu hjá okkar fólki.

Nú um helgina fer fram á Kópavogsvelli, meistaramót Íslands í fjölþrautum og lengri boðhlaupum. Um 40 keppendur eru skráðir til leiks. UFA á 6 keppendur á mótinu en Bjarki Gíslason og Elvar Örn Sigurðsson keppa í tugþraut í karlaflokki, Örn Dúi Kristjánsson og Stefán Þór Jósefsson keppa í tugþraut í flokki 17-18 ára.  Heiðrún Dís Stefánsdóttir og Ásgerður Jana Ágústsdóttir keppa í sjöþraut, Heiðrún Dís í kvennaflokki og Ásgerður Jana í flokki 15-16 ára.
Eftir fyrri dag er Bjarki í 1.sæti í karlaflokki og Elvar Örn í 3.sæti, Örn Dúi í 2.sæti í flokki 17-18 ára og Stefán Þór í 3.sæti. Heiðrún Dís er í 4.sæti í kvennaflokki og Ásgerður Jana er í 3.sæti í flokki 15-16 ára. Fínn árangur í dag, en á morgun verður síðan keppni haldið áfram. Úrslit í einstökum greinum má sjá inn á mot.fri.is

Æfingartafla sumarsins var birt í Kosningablaði UFA sem kom út fyrir helgi. Það er rétt að áminna það að æfingartaflan tekur ekki gildi fyrr en grunnskólarnir ljúka í byrjun júní. Þangað til gildir eftirfarandi æfingartafla:

Íþróttaskólinn 1-3 bekkur: 

Mánudagar og fimmtudagar frá 16-17

4-9 bekkur:

Mánudagar 16:45-17:45

Þriðjudagar 16:00-17:00

Miðvikudagar 17-18

Fimmtudagar 16:45-17:45

Meistaraflokkur 15 ára og eldri:

Seinni partarnir, nánari upplýsingargefur Gísli.