Fréttir

Fyrsta hlaupið í vetrarhlaupasyrpu UFA í vetur fór fram í morgun. Þátttaka var góð þrátt fyrir heldur napurt veður og luku 40 hlauparar hlaupinu. Fyrstur í mark var Stefán Viðar Sigtryggsson og hljóp hann hringinn á 39:09, annar var Snævar Már Gestsson á 39:41 og þriðji var Vilhjálmur Ragnar Kristjánsson á 40:00. Fyrst kvenna var Rannveig Oddsdóttir á 41:07, önnur var Sigríður Einarsdóttir á 45:33 og þriðja var Heiðrún Dís Stefánsdóttir á 49:36. Sjö sveitir voru skráðar til leiks og var jöfn og spennandi keppni á milli þeirra og var aðeins nokkurra sekúndna munur á fyrstu þremur sveitunum. Hér má sjá tíma allra sem hlupu.

Vetrarhlaupasyrpa UFA hefst á laugardaginn. Hlaupið verður frá Bjargi, 10 km. hringur, sá sami og undanfarin ár. Skráning á staðnum frá kl. 10:30 og hlaupið hefst kl. 11:00, þátttökugjald kr. 500. Nánari upplýsingar hér.