Fyrsta hlaupið í vetrarhlaupasyrpu UFA í vetur fór fram í morgun. Þátttaka var góð þrátt fyrir heldur napurt veður og luku 40 hlauparar hlaupinu. Fyrstur í mark var Stefán Viðar Sigtryggsson og hljóp hann hringinn á 39:09, annar var Snævar Már Gestsson á 39:41 og þriðji var Vilhjálmur Ragnar Kristjánsson á 40:00. Fyrst kvenna var Rannveig Oddsdóttir á 41:07, önnur var Sigríður Einarsdóttir á 45:33 og þriðja var Heiðrún Dís Stefánsdóttir á 49:36. Sjö sveitir voru skráðar til leiks og var jöfn og spennandi keppni á milli þeirra og var aðeins nokkurra sekúndna munur á fyrstu þremur sveitunum. Hér má sjá tíma allra sem hlupu.
Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
