Fréttir

Reykjavík International Games, RIG fara fram nú um helgina, í fjórða sinn.
Þetta er alþjóðlegt mót þar sem keppt er í 12 íþróttagreinum og er heildarfjöldi keppenda um 2000 Erlendir keppendur eru á fjórða hundrað og koma þeir frá 17 löndum, þar á meðal eru nokkrir verðlaunahafar frá Ólympíuleikum, Evrópu- og heimsmeistaramótum.
Flest besta frjálsíþróttafólk landsins er mætt til keppni í dag, en keppendur í frjálsum eru rúmlega sjötíu, þar á meðal eru fjórir Norðmenn.
Keppendur UFA eru fimm og verður gaman að fylgjast með gengi þeirra, en bein útsending verður frá mótinu á RUV og hefst hún kl 13

Um aðra helgi, 21-23 janúar ætlum við að fara til Reykjavíkur og taka þátt í Stórmóti ÍR. Við munum fara með rútu og gista í félagsmiðstöð. Hægt er að skrá sig á mótið fram á þriðjudagskvöldið 19.janúar en gott væri að fá að vita það sem fyrst hverjir ætli sér að fara með. Þessi ferð hefur kostað um 10.000 krónur og verður það eitthvað svipað núna. 

Nánari upplýsingar um mótið er að finna á: http://ir.is/Deildir/Frjalsar/FrjalsithrottavidburdirIR/StormotIR/

Þeir sem hafa áhuga á að taka þátt mega senda tölvupóst á mas@akmennt.is og láta mig vita af því.

Athugið þessi ferð er fyrir alla þá sem eru fædd árið 2000 eða fyrr

Eftir vandlega íhugun og eftir að hafa ráðfært mig við foreldra þeirra barna sem búa í Hrísey höfum við Unnar tekið þá ákvörðun að aflýsa ferðinni í bili. Veðurspáin er vissulega búin að batna síðan á mánudaginn en er samt ekki nógu góð að okkar mati að við viljum fara í þessa ferð. Það er mjög leiðinlegt að þurfa að fresta henni aftur en það hefur skapast sú hefð að fara á Hríseyjarmót í apríl og gista þá, þá er veðrið líka öruggara (eða ætti að vera það :o))

Á föstudaginn verður því bara hefðbundin æfing í Íþróttahöllinni þar sem verður farið í tækniæfingar.

En í staðinn fyrir að fara til Hríseyjar vorum við að spá í að fara í sund eftir æfingu á sunnudaginn og út að borða á Bautann þar á eftir. Það er gott að fá að vita hversu margir vilja koma út að borða á Bautann (þeir eru með einhver afmælistilboð núna) til að geta pantað borð. Þeir sem vilja vera með mega gjarnan senda mér póst á mas@akmennt.is - Maja og Unnar