Fréttir

Meistaramót Íslands fyrir 15-22 ára verður haldið á Þórsvellinum um nk. helgi. UFA og UMSE sjá sameiginlega um mótshaldið en búist er við hátt í 200 keppendum af öllu landinu. Búast má við spennandi keppni og því er óhætt að hvetja fólk til að mæta á völlinn og fylgjast með keppni í frjálsum íþróttum á okkar frábæra íþróttavelli.
Keppni hefst kl 10 báða dagana.

Bikarkeppni FRÍ var haldin nú um helgina í Hafnarfirði. Sameiginlegt lið UMSE og UFA hafnaði í 3.sæti í samanlagðri stigakeppni. Lið ÍR sigraði með 169 stig, FH varð í 2.sæti með 142,5 stig og UMSE/UFA fékk 130,5 stig. Úrslit í einstökum greinum má sjá á mot.fri.is

Rannveig Oddsdóttir UFA sigraði í hálfu maraþoni kvenna í Reykjavíkurmaraþoninu sem fram fór í dag. Rannveig hljóp á tímanum 1:24:05 klst.
Samkvæmt afrekaskrá FRÍ mun þetta vera besti tími Rannveigar í hálfu maraþoni og fimmti besti tími íslenskrar konu frá upphafi. Til hamingju með sigurinn Rannveig!