Fréttir

Unglingalandsmótið á Egilsstöðum

Unglingalandsmót UMFÍ árið 2011 var haldið á Egilstöðum um liðna helgi. Keppendur UFA og fjölskyldur þeirra voru að vanda saman á tjaldstæði. Eftir keppnisdagana kom fólk saman miðssvæðis á tjaldstæðinu og fór yfir árangur dagsins og hefur sú hefð skapast að börnin segja sjálf frá og uppskera í lokin mikið lófaklapp aðdáenda úr stuðningsliðinu. Á meðan þessu stendur er grillað og matur borðaður af bestu lyst. Í lokin er gjarnan farið í leiki og þar er kynslóðabilið brúað og allir finna barnið í sér.

Lesa meira

Kolbeinn hljóp 200m á 22,09sek

Kolbeinn Höður var að hlaupa 200m á 22,09sek í Tyrklandi. Þetta er frábær tími hjá honum en hann átti áður best 22,41sek síðan á Akureyrarmótinu. Þessi tími er jöfnun á næst besta tíma ársins í 200m hlaupi karla á Íslandi, og er löglegur þar sem vindur var undir lágmörkum eins og í 100m hlaupinu. Kolbeinn lenti í 13.sæti í hlaupinu af 24 keppendum en hann er nýorðinn 16 ára og er því á yngra ári í þessum aldursflokki.
Til hamingju með þennan frábæra árangur Kolbeinn!

Lesa meira

Æfingar í kringum Versló

Það verður frí á æfingum hjá öllum yngri flokkunum (14 ára og yngri) fimmtudaginn 28.júlí nk. Næsta æfing eftir verslunarmannahelgina er á þriðjudaginn hjá 11-14 ára hópnum en á miðvikudaginn hjá 7 ára og yngri og 8-10 ára.

Vonum að þið eigið góða verslunarmannahelgi framundan!

Þjálfarar

Lesa meira

< Fyrri | Næsta >