Fréttir

Ungmennafélag Akureyrar heldur UFA mót í Boganum á Akureyri sunnudaginn 15. apríl kl. 12:00-17:00 (húsið opnar kl. 11:15) Mótið er öllum opið og er keppt í aldursflokkum frá 9 ára og yngri og upp í karla- og kvennaflokk. Upplýsingar um keppnisgreinar og flokkaskiptingar má sjá á mótaforriti FRÍ á fri.is.

Síðasta hlaupið í vetrarhlaupasyrpu UFA 2011-2012 fór fram við kjöraðstæður í morgun. Rúmlega þrjátíu hlauparar mættu til leiks og tóku sprettinn í vorblíðunni. Stefán Viðar Sigtryggsson kom að vanda fyrstur í mark að þessu sinni á tímanum 37:47 sem er besti tími vetrarins. Steinsnar á eftir Stefnáni kom Rannveig Oddsdóttir í mark á tímanum 38:07 og bætti þar með eigið brautarmet frá október 2007 um rúma mínútu. Annar karla var Snæþór Aðalsteinsson á 40:17 og þriðji var Halldór Halldórsson á 42:06, önnur kvenna var Sigríður Einarsdóttir á 43:06 og þriðja var Sonja Sif Jóhannsdóttir á 43:17. Að hlaupi loknu voru veitt verðlaun fyrir stigakeppni einstaklinga og liða. Í stigakeppni karla sigraði Stefán Viðar, annar var Snævar og þriðji Halldór Arinbjarnarson, í stigakeppni kvenna var Rannveig í fyrsta sæti, Sigríður í öðru sæti og Sonja í þriðja sæti og hlutu þau vegleg verðlaun frá Under Armour. Í liðakeppninni bar Víkingasveitin sigur úr bítum en hana skipuðu þeir Stefán Viðar og feðgarnir Aðalsteinn, Snævar og Hlynur frá Víkingavatni í Kelduhverfi. Styrktaraðilar hlaupsins, Bjarg, Altis, Craft, Halldór Ólafsson úr og skart ehf, Nói Síríus og Bautinn gáfu útdráttarverðlaun sem dregin voru út að hlaupinu loknu. Hér má sjá úrslit allra hlaupanna.

Lokahlaupið í Vetrarhlaupaseríunni fer fram næstkomandi laugardag, 31. mars. Hlaupið hefst að venju við Bjarg kl. 11:00 og verður hlaupinn 10 km hringur. Að hlaupi loknu fer fram verðlaunaafhending fyrir stigakeppni vetrarins í einstaklings- og liðakeppni og dregin verða út útdráttarverðlaun.