Fréttir

Fimmtudaginn 11. október stendur Æskulýðsvettvangurinn, samstarfsvettvangur Ungmennafélags Íslands, Bandalags íslenskra skáta, KFUM og KFUM á Íslandi og Slysavarnarfélagsins Landsbjargar, fyrir fræðsluerindi um einelti, forvarnir og úrvinnslu eineltismála.

Fundurinn verður í félagsheimili KFUM og KFUM í Sunnuhlíð 12 og hefst hann kl. 16.30 og stendur til kl. 18.00.

Fyrirlesari er Kolbrún Baldursdóttir sálfræðingur og höfundur EKKI MEIR, EKKI MEIR er leiðarvísir í aðgerðum gegn einelti fyrir starfsfólk skóla, íþrótta- og æskulýðsfélög, foreldra og börn.

Allir velkomnir!

 

Íþrótta- og afreksnefnd FRÍ hefur valið nýjan landsliðshóp að loknu utanhússkeppnistímabili 2012.
Fimm einstaklingar úr UFA eru í hópnum. Bjarki Gíslason og Ásgerður Jana Ágústsdóttir voru valin í stökkgreinar, Rannveig Oddsdóttir í millivegalengda- og langhlaup og Kolbeinn Höður Gunnarsson og Hafdís Sigurðardóttir í sprett- og grindahlaup.
Nýr Ólympíuhópur hefur einnig verið myndaður og eru þær Rannveig og Hafdís einnig í þeim hópi, Rannveig í maraþonhlaupi og Hafdís í 400m hlaupi.

Næstkomandi fimmtudag 4. október hefjast æfingar í Íþróttaskólanum hjá 7 ára og yngri. Æfingar verða einu sinni i viku kl. 16.00 - 17.00 í Íþróttahúsinu við Laugagötu, norður sal. Þjálfari verður Birgitta Guðjónsdóttir íþróttakennari. Nú er bara að mæta og skrá sig til leiks, því nokkur pláss eru enn laus. Hægt er að mæta með nýja iðkendur út október og skrá þá á staðnum.