Fréttir

Úrslit í vetrarhlaupi

Annað hlaup vetrarins fór fram síðastliðinn laugardag. Eins og oft áður var Bjartmar Örnuson fyrstur í mark, að þessu sinni á 39:52, annar var Andri Steindórsson á 43:27 og þriðji var Halldór Halldórsson einnig á 43:27. Fyrst kvenna var Sigríður Einarsdóttir á 45:39, önnur var Björk Sigurðardóttir á 52:49 og þriðja var Arnfríður Kjartansdóttir á 57:06. Sveit ÍV sigraði í liðakeppninni og trónir á toppnum í stigakeppni liða með 10 stig. Hér má lesa öll úrslitin í hlaupinu.

Lesa meira

Vetrarhlaup á laugardaginn

Annað hlaup vetrarins fer fram á laugardaginn. Að venju verður hlaupinn 10 km hringur frá Bjargi og hefst hlaupið kl. 11:00. Nánari upplýsingar hér.

Lesa meira

Æskan á óvissutímum

Æskulýðsvettvangurinn, samráðsvettvangur KFUM/K, Skátahreyfingarinnar og UMFÍ í samstarfi við Æskulýðsráð efna til málþings í Rósenborg á Akureyri fimmtudaginn 27. nóvember klukkan 13 til 16.30

Á þinginu, sem ber yfirskriftina ÆSKAN Á ÓVISSUTÍMUM verður fjallað um áhrif óvissuástandsins í samfélaginu á börn og ungmenni og hvað er til ráða fyrir þá aðila er vinna með æskunni í frístundum þeirra.

Farið er yfir stöðuna eins og hún lítur út í dag og síðan er farið yfir þætti er skipta máli fyrir leiðtoga í frístundastarfi barna og ungmenna og hvernig bregðast má við. Án efa kemur efnið sér einnig vel fyrir starfsfólk skóla sem jafnframt eru að upplifa það sama og leiðtogarnir

Dagskrá
Kl. 13:00 Setning: Gyða Karlsdóttir, framkvæmdastjóri KFUM og KFUK á Íslandi.
Ávarp: Sigrún Björk Jakobsdóttir, bæjarstjóri Akureyrar
Söngur: Matti Matt, söngvari úr Pöpunum.
Kl. 13:30 Ísland í efnahagslegu fárviðri: Guðrún Yrsa Richter, hagfræðingur hjá Seðlabanka Íslands.
Kl. 14:00 Raunveruleiki heimilanna: Karólína Gunnarsdóttir, verkefnastjóri félagsþjónustunnar á Akureyri.
Kaffi
Kl. 15:00 Barnið í kreppunni: Hulda Sólrún Guðmundsdóttir, sálfræðingur
Kl. 15:30 Mikilvægi æskulýðsstarfs á óvissutímum: Þórólfur Þórlindsson, forstjóri Lýðheilsustöðvar
Kl. 16:00 Hvernig spegla ég ástandið?: Jóhann Þorsteinsson, svæðisfulltrúi KFUM og KFUK á Norðurlandi

Fundarstjóri: Sigrún Björk Jakobsdóttir, bæjarstjóri Akureyrar

Lesa meira

< Fyrri | Næsta >