Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Bjartmar með brons í 400m hlaupi á MÍ aðalhluta
4 keppendur frá UFA eru á Meistaramóti Íslands á Laugardalnum nú um helgina. Bjartmar stóð sig frábærlega í dag og náði 3. sæti í 400m hlaupi á 50,91 sek. aðrir náðu ekki inn í úrslit. Keppni heldur svo áfram á morgun.
Lesa meira
Tveir Íslandsmeistaratitlar í dag
Börkur Sveinsson varð Íslandsmeistari í kúluvarpi drengja og Örn Dúi í 60m grindahlaupi sveina, Örn varð einnig 2. í þrístökki, Elvar Örn varð 2. í stangarstökki og 3. í kúluvarpi drengja og ungkarlasveitin varð 3. í 4x400m hlaupi. Aðrir sem komust í úrslit í dag voru Andri Már í 60m grind og þrístökki sveina og Agnes Eva og Heiðrún Dís í 60m grindahlaupi meyja. Bjarki Gíslason varð fyrir því óláni að meiðast í fyrstu grein í gær og varð að hætta keppni. UFA varð í 3. sæti í stigakeppni sveina og drengja og í 6. sæti í heildarstigakeppninni. Þið stóðuð ykkur vel.
Lesa meira
Fjórða vetrarhlaupið
Fjórða hlaupið í vetrarhlaupasyrpu UFA fór fram í morgun. Þátttaka var ágæt og hlupu 19 hlauparar 10 km leið að vanda, að þessu sinni í heldur leiðinlegu færi og norðangjólu. Fyrstur í mark varð Stefán Viðar Sigtryggsson á 42:12, annar var Þröstur Már Pálmason á 44:42 og þriðji var Atli Steinn Sveinbjörnsson á 44:53. Fyrst kvenna var Rannveig Oddsdóttir á 45:47, önnur var Sigríður Einarsdóttir á 47:13 og þriðja var Björk Sigurðardóttir á 50:50.
Í liðakeppninni takast nú á sveitir ÍV - íslenskara verðbréfa og líkamsræktarstöðvarinnar Bjargs. Tókst liði Bjargs að vinna eitt stig á keppninautana í ÍV með því að vera samanlagt aðeins 46 sek. á undan þeim í mark en eru þó stigi eftir, með 17 stig á móti 18 stigum hjá ÍV. Þriðja sætið vermir Eyrarskokk með 8 stig.
Rannveig Oddsdóttir náði forustunni af Björku Sigurðardóttur í keppni kvenna, er nú einu stigi á undan með 15 stig á móti 14 stigum Bjarkar. Sigríður Einarsdóttir er í þriðja sæti með 13 stig.
Bjartmar Örnuson, íþróttamaður ársins hjá UFA, heldur forystunni í karlaflokki með 14 stig, Andri Steindórsson skíðagöngukappi er í öðru sæti með 10 stig en Þröstur Már Pálmason skaust í dag upp í þriðja sætið í karlaflokki með því að verða annar í mark við þessar erfiðu aðstæður.
Tvö hlaup eru eftir í vetrarhlaupasyrpunni. Hart verður barist fram á síðustu metrana. Öllum er heimil þátttaka þó svo fólk hafi ekki verið með fram til þessa. Næstu hlaup verða 28. feb. og 28. mar.
Hér má sjá tíma allra sem hlupu og stöðuna í stigakeppni einstaklinga og liða. Og hér má sjá nokkrar myndir frá hlaupinu.
