Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Fimmtán þátttakendur í vetrarhlaupi
Heldur dræm þátttaka var í fimmta vetrarhlaupi vetrarins sem fram fór á laugardaginn. Vetrarfrí í skólum hafa trúlega átt sinn þátt í því. En fimmtán hlauparar mættu galvaskir til leiks. Atli Steinn Sveinbjörnsson varð fyrstur í mark á tímanum 42:05, annar var Magnús Eggertsson á 42:23 og þriðji var Sævar Helgason á 42:37. Fyrst kvenna var Sigríður Einarsdóttir á 45:14, önnur var Björk Sigurðardóttir á 47:48 og þriðja var Arnfríður Kjartansdóttir á 54:13. Nánari úrslit verða birt hér á síðunni innan tíðar.
Lesa meira
Frábær árangur á MÍ 7 Íslandsmeistaratitlar og 5. sæti í heildarstigakeppninni
Kolbeinn Höður þrefaldur Íslandsmeistari í 60m, 60m grind og 800m hlaupi, 2. í langstökki og 3. í hástökki pilta 14 ára. Ásgerður Jana Íslandsmeistari í 60m grind og hástökki og 2. í langstökki 13 ára telpna. Sunna Rós Íslandsmeistari í langstökki og 3. í 800m hlaupi 12 ára stelpna. Stelpna sveitin í 11 ára flokki Íslandsmeistari í 4x200m hlaupi, Kristín Arnórsdóttir 2. í 60m hlaupi og Andrea Mist 3. í langstökki í 11 ára flokknum. Valþór Ingi varð 2. í kúluvarpi 12 ára stráka og telpna sveitin 14 ára 3. í 4x200m hlaupi. 7 gull, 4 silfur og 3 brons. UFA varð í 5. sæti í heildarstigakeppninni, í 2. sæti hjá 11 og 12 ára stelpum og 14 ára piltum og 3. sæti hjá 13 ára telpum.
MÍ 11-14 ára 28.feb-1. mars hagnýtar upplýsingar
Keppni fer fram í Laugardalshöll frá 10-16 laugardag og 10-15 sunnudag. Keppnisgreinar eru 60m, 60m grind, 800m og 4x200m hlaup, langstökk, hástökk og kúluvarp. Foreldrar sem heima sitja geta fylgst með mótinu á mot.fri.is . Gist verður í Tónabæ, hafa með sér vindsæng, sæng og kodda. Farið verður með rútu frá Búgarði að Óseyri 2 kl. 16:00 á föstudag. Gjald 6000 krónur sem greiðist við brottför, innifalið ferðir, gisting og keppnisgjöld og matur. Morgunmatur, vallarnesti og matur á laugardegi innifalinn í gjaldi. Hafa með nesti í rútuna. Vasapeningur 2000 krónur fyrir leiser(800), sundi(200) og mat á heimleið(600). Muna að pakka UFA fötum, keppnisgalla, íþróttaskóm, sundfötum, náttfötum o.s.frv. Stuttur foreldrafundur verður á skrifstofu UFA í Hamri fimmtudaginn 26. febrúar kl.18:30, farastjórar og þjálfari mæta.
