Ungmennafélag Akureyrar

Æfingar í höllinni falla niður í dag föstudaginn 27. janúar vegna blakmóts. Æfingar á sunnudag verða hins vegar samkvæmt æfingatöflu.

Í frétt um úrslit á MÍ í fjölþrautum hér á síðunni var ranglega farið með úrslit í fimmtarþraut stúlkna 17 ára og yngri. Ásgerður Jana Ágústdóttir úr UFA sigraði í þarutinni. Við óskum Ásgerði Jönu til hamingju með góðan árangur og biðjumst velvirðingar á þessum mistökum í fréttaflutningi.

 

Fjórða vetrarhlaup vetrarins fer fram næstkomandi laugardag. Hlaupið hefst að venju við Bjarg kl. 11:00 og er skráning á staðnum frá kl. 10:30. Hlaupið er öllum opið og þó keppt sé í stigakeppni er ekki nauðsynlegt að taka þátt í öllum hlaupunum. Nánari upplýsingar hér.

Keppni í frjálsum íþróttum á Reykjavík International Games fór fram í Laugardalshöllinni á laugardaginn. Á RIG er keppt í hinum ýmsu íþróttagreinum og er keppendum boðin þátttaka eftir árangri þeirra í þeim greinum sem keppt er í, átta erlendum keppendum var boðið á mótið nú. Að þessu sinni var sjö keppendum frá UFA boðin þátttaka en þau sem gátu þegið boðið voru: Hafdís Sigurðardóttir, sem nú hefur gengið til liðs við UFA, Ásgerður Jana Ágústsdóttir, Kolbeinn Höður Gunnarsson og Rannveig Oddsdóttir.
Hafdís stóð sig frábærlega en hún sigraði langstökk kvenna er hún stökk 6,14m og setti nýtt mótsmet og bætti sinn persónulega árangur um 12cm hún varð svo í 3.sæti í 60m hlaupi á 7,79sek.
Kolbeinn Höður hljóp 400m á 49,93sek og varð í 4.sæti og bætti með því sinn árangur innanhúss. Ásgerður Jana stökk 1,58m í hástökki og varð í 3.sæti.
Flottur árangur á sterku móti.