Fréttir

Þá er fyrri degi MÍ lokið og hefur UFA fólk staðið sig vel, strákarnir eru í 2.sæti í stigakeppninni, sem er frábær árangur og í heildarstigakeppninni erum við í 4.sæti, rétt á eftir Breiðablik,en ÍR er í afgerandi forystu.
Bjarki Gíslason varð Íslandsmeistari í 110m grindahlaupi á 15,54sek.og Örn Dúi Kristjánsson í 3.sæti á 16,27sek.
Örn Dúi varð svo í 2.sæti í hástökki, stökk 1,82m. og Heiðrún Dís Stefánsdóttir í 3.sæti í spjótkasti með 28,46m. Óskum okkar fólki áfram góðs gengis á morgun.

Meistaramót Íslands það 84. í röðinni verður haldið í Reykjavík nú um helgina. Þetta er aðalhluti MÍ og er því eingöngu keppt í karla- og kvennaflokki.
Lang flest af besta frjálsíþróttafólki landsins keppir á mótinu.
Skráðir keppendur eru 183 frá 13 félögum og samböndum. Keppt er um Íslandsmeistaratitla í 37 einstaklingsgreinum og einnig er keppt um titilinn Íslandsmeistari félagsliða í karla- og kvennaflokki og í samanlagðri stigakeppni.
Það verður spennandi að fylgjast með gengi okkar fólks en 12 manna hópur keppenda ásamt þjálfurunum Unnari og Gísla lagði af stað til Reykjavíkur kl 17 í dag.
Hægt er að fylgjast með úrslitum á mot.fri.is