Fréttir

Aðalfundur UFA var haldinn sl miðvikudagskvöld í kaffiteriu Íþróttahallarinnar. Tæplega 40 manns mættu á fundinn. Fundarstjóri var Eiríkur Björn Björgvinsson bæjarstjóri. Fundarritari var Una Jónatansdóttir. Gestir fundarins voru Ómar Bragi Stefánsson frá UMFÍ, Óskar Þór Vilhjálmsson frá UMSE og Haukur Valtýsson frá ÍBA.
Þuríður formaður flutti skýrslu UFA fyrir árið 2010, Hulda gjaldkeri fór yfir reikninga félagsins og Gunnar útskýrði fjárhagsáætlun félagsins.
Gestir ávörpuðu fundinn og önnur mál voru rædd. Að lokum var nýr sjóður samþykktur, ,,Styrktarsjóður UFA".
Að þessu sinni gengu fjórir úr stjórn; Þuríður Árnadóttir formaður, Una Jónatansdóttir ritari, Svanhildur Karlsdóttir varaformaður og María Aldís Sverrisdóttir varamaður.
Nýir stjórnarmenn eru: Fjalar Freyr Einarsson, Elfar Eiðsson, Helgi Þorbjörn Svavarsson og Sigurður Hrafn Þorkelsson. Nýja stjórnin mun svo skipta með sér verkum á næsta stjórnarfundi.

 Næstkomandi mánudagskvöld, 21. febrúar, heldur Langhlauparadeild UFA opinn stefnumótunarfund um almenningshlaup á vegum UFA. Fundurinn verður haldinn í húsnæði Ferðamálastofu í Strandgötu og hefst kl. 21:00.

UFA stendur fyrir nokkrum almenningshlaupum á hverju ári. Þeirra stærst eru 1. maí hlaupið, Akureyrarhlaup og Gamlárshlaup. Gamlárshlaupið hefur verið að stækka undanfarin ár en hin tvö hafa staðið í stað eða jafnvel heldur dregið úr þátttöku.  Það eru því fyrst og fremst 1. maí hlapið og Akureyrarhlaupið sem verða til umræðu. Rætt verður hvernig við viljum hafa þessi hlaup, hvernig umgjörðin í kringum þau á að vera, hver markhópurinn er og hvernig við náum best til þess hóps sem við viljum fá í hlaupin

Við hvetjum alla þá sem vilja hafa eitthvað um málið að segja að mæta á fundinn og taka þátt í umræðunni.

Stjórn Langhlauparadeildar UFA