Fréttir

Alls komu 5 Íslandsmeistaratitlar í hús í dag hjá keppendum UFA.  Einnig unnust tvö silfur og tvö brons. Ásgerður Jana Ágústsdóttir sigraði í kúluvarpi með 13,45m kasti. Hún sigraði í langstökki  þegar hún stökk 5,27m. Þá varð hún önnur í hástökki með 1,60m. Kolbeinn Höður Gunnarsson sigraði í 60m hlaupi á 7,07sek sem er bæting hjá honum. Hann tók ekki þátt í 400m hlaupinu og ætlar að einbeita sér að 200m á morgun. Selma Líf Þórólfsdóttir sigraði í hástökki með 1,54m og endurtók þannig leikinn frá síðustu helgi. Berglind Björk Guðmundsdóttir sigraði í 800m hlaupinu á 2:20,46mín. Fríða Björk Einarsdóttir varð þriðja í kúluvarpinu með 11,08m kasti. Agnes Eva Þórarinsdóttir varð þriðja í langstökki með 5,31m. Þorvaldur Ágúst Jónsson varð annar í 60m hlaupinu á 7,78sek. Þá stóðu Stefán Þór Jósefsson, Guðmundur Freyr Jónsson, Melkorka Ýrr Yrsudóttir og Rún Árnadóttir sig vel þó ekki kæmust þau á verðlaunapall í dag. Öll úrslit í dag má sjá hér .

Hafdís Sigurðardóttir er nú stödd í Stokkhólmi og tekur þar þátt í sterku innanhúsmóti í frjálsum um helgina. Það verður virkilega fróðlegt að sjá hvað hún gerir þar, en um síðustu helgi sýndi hún góða takta á Stórmóti ÍR.

Myndina tók Gunnlaugur Júlíusson.

Í Morgunblaðinu í dag er viðtal við Kolbein Höð Gunnarsson og er þetta í annað sinn á stuttum tíma, sem íþróttamenn í UFA njóta slíkrar athygli. Þetta sýnir að árangur íþróttamannanna í UFA er frábær og verður fróðlegt að sjá hver árangur unga fólksins verður í dag og á morgun.

Myndina tók Gunnlaugur Júlíusson.