Fréttir

UFA býður nýjum iðkendum að kynna sér frjálsar í maí og æfa frítt þennan mánuð. Æfingar eru enn samkvæmt vetraræfingatöflu sem sjá má hér. Ekki þarf að tilkynna um þátttöku eða skrá sig heldur má bara mæta á æfingar og vera með. Frábært tækifæri til að kynna sér íþróttina.

FRÍ hefur nú tilkynnt hvaða landsliðsmenn kenna fyrir Íslands hönd í frjálsum á Smáþjóðaleikum í Lúxemborg í lok mánaðarins. Þrír íþróttamenn úr UFA munu keppa á leikunum. Hafdís Sigurðardóttir í 100m, 200m, langstökki og 4x100m boðhlaupi, Rannveig Oddsdóttir í 10.000 og 5.000 m hlaupum og Kolbeinn Höður í 100m, 400m og 4x100m boðhlaupi.

Næstkomandi laugardag, 11. maí kl. 11:00–17:00 verður haldin stefnumótandi ráðstefna um Landsmót UMFÍ. Ráðstefnan verður haldin á Húsavík og er öllum opin, en tilkynna þarf um þátttöku til UMFÍ á netfangið umfi@umfi.is. UFA hvetur félagsmenn sína til að mæta á fundinn og taka þátt í þeirri setfnumótun sem þar mun fara fram.