Fréttir

Helgina 10 og 11 ágúst sl fór fram Meistaramót Íslands 15-22 ára á Kópavogsvelli. 11 keppendur frá UFA mættu á staðinn sem stóðu sig afar vel og uppskáru 16 gull, 7 silfur og 7 brons. Þá varð liðið í 4 sæti í samanlagðri stigakeppni.

Kolbeinn Höður Gunnarsson varð í dag Norðurlandameistari í 400 m hlaupi 19 ára og yngri. Kolbeinn kom í mark á 47,91 og sló þar með íslandsmet Sveins Elíasar Sveinssonar frá 2007. UFA óskar Kolbeini til hamingju með titilinn og metið :-) Ásgerður Jana keppti einnig í spjótkasti á mótinu í dag. Hún kastaði lengst 40,15 m og hafnaði í 7. sæti, besti árangur hennar í greininni er 43,78.

Helgina 17. og 18. ágúst fer Akureyrarmót UFA fram. Keppt verður í fjölda greina í öllum aldursflokkum og reiknum við með að allir okkar iðkendur taki þátt í mótinu. Mótið er einnig hluti af mótaröð FRÍ sem er röð opinna frjálsíþróttamóta þar sem reiknað er með að fremstu frjálsíþróttamenn landsins verði í eldlínunni.