Fréttir

6. ágúst 2013 Þá er 16. unglingalandsmóti UMFÍ lokið. Um 1.300 keppendur alls staðar að af landinu tóku þátt í hinum ýmsu greinum. Keppendur UFA í frjálsum voru 19 talsins og stóðu sig frábærlega. Hæst ber árangur Ásgerðar Jönu Ágústsdóttur í flokki 17 ára en hún setti landsmótsmet í spjótkasti er hún kastaði spjótinu 43,88m, hún sigraði einnig í langstökki með 5,31m og hástökki með 1,57m og varð svo þriðja í 100m hlaupi á 12,88sek.

30. júlí 2013 Pöntun fyrir keppnisbúninga verður send inn strax eftir verslunarmannahelgi og vonumst við til þess að búningarnir verði komnir í hús fyrir Akureyrarmótið sem fer fram 17. og 18. ágúst. Í kvennabúningnum er hægt að velja um topp eða hlírabol og skálmalausar buxur eða stuttbuxur. Karlabúningurinn er hlírabolur og hljólabuxur eða stuttbuxur (sjá myndir hér að neðan). Kolbrún tekur við pöntunum í síma: 461 3690 og 845 8022 eða á netfangið: ksveins@akmennt.is

2. ágúst 2013 Helgina 17.–18. ágúst verður Akureyrarmótið haldið á Þórsvelli. Þetta er fjölmennasta frjálsíþróttamót ársins hjá UFA og við þufum nokkurn fjölda starfsmanna til að framkvæmdin gangi upp. Við biðlum því til félagsmanna og foreldra um aðstoð við framkvæmd mótsins. Vanir starfsmenn stýra vinnunni og það þarf því ekki sérþekkingu á frjálsum íþróttum til að geta aðstoðað. Þeir sem geta starfað við mótið eru beðnir að senda línu á netfangið ufa@ufa.is.