Fréttir

Uppskeruhátíð fyrir iðkendur 12 ára og yngri verður í dag milli kl. 17:00 og 18:15 (ath. breyttur æfingatímai). Æfingar á öðrum tímum falla því niður. Farið verður í leiki og boðið upp á hressingu að æfingu lokinni. Foreldrar eru velkomnir á æfinguna með börnum sínum.

Fjölmennt var á Akureyrarmóti UFA sem fram fór um liðna helgi en keppendur frá ellefu félögum mættu til leiks. Góður árangur náðist á mótinu, persónuleg met voru sett ásamt nokkrum tilraunum við Íslandsmet. Hafdís Sigurðardóttir sigraði í þeim þrem einstaklingsgreinum sem hún tók þátt í. Hún hljóp 100metrana á 11,74s, mjög gott hlaup hjá henni en vindurinn aðeins of mikill til að hlaupið teljist löglegt. Hafdís gerði atlögu að Íslandsmetinu í 200m hlaupi þegar hún hljóp á 23,90s í löglegum vindi og er það 3-4 besti árangur íslenskrar konu. Þá stökk hún 6,24m í langstökki. Kolbeinn Fannar Gíslason sem keppi r í flokki 12-13 ára sigraði hástökkið þegar hann sveif yfir 1,57m. Hann átti afar góða tilraun við nýtt íslandsmet í sínum flokki þegar hann rétt felldi 1,61 – það kemur næst! Þá reyndu piltar 18-19 ára úr Breiðablik við nýtt íslandsmet í 4*100 metra boðhlaupi og voru ekki fjarri því að slá það þegar þeir hlupu á 44,46s en metið er 44,01s.

Kolbeinn Höður gerði sér lítið fyrir og sigraði 200m hlaupið á Norðulandamótinu 19 ára og yngri í Finnlandi. Hann hljóp á tímanum 21,45 sem er hann næstbesti árangur í greininni. Ásgerður Jana keppti í kúluvarpi og kastaði 10,52m og hafnaði í 8 sæti. Til hamingju krakkar!