Fréttir

Um helgina fór fram Meistaramót Íslands 15-22 ára á Selfossi. Átti UFA 13 keppendur á mótinu sem stóðu sem sig með stakri prýði. Merkilegur árangur er sigur UFA í stigakeppninni í flokki stúlkna 18-19 ára en í þeim flokki keppti einungis tvær stúlkur frá UFA - Ásgerður Jana og Arna Ýr. Í flokki ungkvenna 20-22 ára varð UFA í öðru sæti og í flokki stúlkna 16-17 ára varð UFA í þriðja sæti. Í heildina varð UFA í 5 sæti með 167 stig.

Kolbeinn Höður keppti í 200m hlaupi á HM 19 ára og yngri 24.júlí sl. Kom hann í mark þriðji í sínum riðli á tímanum 21,44s eftir glæsilegan endasprett. Mikil spenna ríkti um hvort þessi tími dygði honum inn í undanúrslit en því miður var svo ekki. Endaði Kolbeinn í 29. sæti en 24 hlauparar komust áfram. Þetta er frábær árangur hjá Kolbeini og hvetjum við alla til að kíkja á myndbandið hér að neðan en þar má sjá hlaupið hjá Kolbeini. https://www.youtube.com/watch?v=cbQ2kFgCZlk&feature=youtu.be

UFA vann níu Íslandsmeistaratitla á MÍ sem fram fór í Kaplakrika um helgina og var þriðja stigahæsta félagið á mótinu.