Fréttir

Hafdís Sigurðardóttir verður ein af 5 keppendum sem munu keppa fyrir Íslands hönd á EM sem hefst þriðjudaginn í næstu viku og fer fram í Zürich í Sviss. Þar mun hún keppa í langstökki og 200m hlaupi en Frjálsíþróttasamband Íslands tilkynnti hópinn í gær. Það var þó ekki það eina merkilega sem gerðist hjá Hafdísi í gær því hún gerði sér lítið fyrir og bætti eigið Íslandsmet í 60m hlaupi á Sprettmóti UFA. Fyrra metið var 7,68s en í gær hljóp hún á tímanum 7,64s. Til hamingju með Íslandsmetið Hafdís og gangi þér sem allra best í Zürich. Við minnum á að RÚV mun sýna frá mótinu og því um að gera að fylgjast með hvenær Hafdís á að keppa.

Keppendur UFA héldu uppteknum hætti á lokadegi unglingalandsmótsins. Helstu úrslit voru eftirfarandi:

Um helgina fer fram Unglingalandsmót UMFÍ á Sauðárkróki. Fjölmargir keppendur frá UFA eru á mótinu og eru að gera góða hluti. Hafdís Sigurðardóttir keppti í langstökki kvenna, sem er aukagrein á mótinu, og átti frábæra stökkseríu. Lengsta stökk hennar var 6.72m, glæsilegt stökk en því miður var meðvindurinn 2.8 og því er stökkið ekki gilt sem Íslandsmet. Engu að síður sýndi Hafdís okkur enn og aftur að hún á heilmikið inni. Kolbeinn Höður keppti í 100m hlaupi, sem einnig er aukagrein á mótinu, og hljóp á tímanum 10.52s sem er glæsilegur tími en meðvindurinn var alltof mikill eða 5.0. Aftur að "unglingunum" okkar sem margir hverjir voru að bæta persónulegan árangur í einstökum greinum. Helstu úrslit voru þessi: