Fréttir

Æskulýðsvettvangurinn, samráðsvettvangur KFUM/K, Skátahreyfingarinnar og UMFÍ í samstarfi við Æskulýðsráð efna til málþings í Rósenborg á Akureyri fimmtudaginn 27. nóvember klukkan 13 til 16.30

Á þinginu, sem ber yfirskriftina ÆSKAN Á ÓVISSUTÍMUM verður fjallað um áhrif óvissuástandsins í samfélaginu á börn og ungmenni og hvað er til ráða fyrir þá aðila er vinna með æskunni í frístundum þeirra.

Farið er yfir stöðuna eins og hún lítur út í dag og síðan er farið yfir þætti er skipta máli fyrir leiðtoga í frístundastarfi barna og ungmenna og hvernig bregðast má við. Án efa kemur efnið sér einnig vel fyrir starfsfólk skóla sem jafnframt eru að upplifa það sama og leiðtogarnir

Dagskrá
Kl. 13:00 Setning: Gyða Karlsdóttir, framkvæmdastjóri KFUM og KFUK á Íslandi.
Ávarp: Sigrún Björk Jakobsdóttir, bæjarstjóri Akureyrar
Söngur: Matti Matt, söngvari úr Pöpunum.
Kl. 13:30 Ísland í efnahagslegu fárviðri: Guðrún Yrsa Richter, hagfræðingur hjá Seðlabanka Íslands.
Kl. 14:00 Raunveruleiki heimilanna: Karólína Gunnarsdóttir, verkefnastjóri félagsþjónustunnar á Akureyri.
Kaffi
Kl. 15:00 Barnið í kreppunni: Hulda Sólrún Guðmundsdóttir, sálfræðingur
Kl. 15:30 Mikilvægi æskulýðsstarfs á óvissutímum: Þórólfur Þórlindsson, forstjóri Lýðheilsustöðvar
Kl. 16:00 Hvernig spegla ég ástandið?: Jóhann Þorsteinsson, svæðisfulltrúi KFUM og KFUK á Norðurlandi

Fundarstjóri: Sigrún Björk Jakobsdóttir, bæjarstjóri Akureyrar
 

UFA átti 8 keppendur á Silfurleikum ÍR á laugardaginn og komust 7 þeirra á verðlaunapall. Magnús Aríus Ottósson sigraði í hástökki og þrístökki, varð 2. í 60 m hlaupi og 3. í kúluvarpi 11 ára. Ásgerður Jana vann hástökkið á 12 ára flokki. Kolbeinn Höður vann 60m, 60m grind og 800 m hlaup og varð 2. í 200m hlaupi. Stefán Þór varð 3. í 800m hlaupi 15-16 ára, Örn Dúi vann 60m grind og þrístökk og varð 3. í hástökki. Heiðrún Dís varð 2. í 60m grind og Agnes Eva 3. í þrístökki í 15-16 ára flokki. Til hamingju með árangurinn krakkar.