Fréttir

Opnað hefur verið fyrir skráningu í Akureyrarhlaup Íslenskra verðbréfa sem fer fram 30. júní næstkomandi. Boðið er upp á þrjár vegalengdir með tímatöku, 5 km, 10 km og hálfmaraþon. Hægt er að skrá sig á hlaupasíðunni og verður opið fyrir skráningu þar til sólarhring fyrir hlaup. Nánari upplýsingar um hlaupið má finna á heimasíðu hlaupsins akureyrarhlaup.is.

Fyrsta pöntun á nýjum æfingagjöllum verður send af stað mánudaginn 6. júní. Þeir sem ætla að ná sér í galla í þessari fyrstu pöntun þurfa því að hafa samband við Toppmenn og Sport á morgun, þar er líka hægt að máta galla til að finna út rétta stærð. Við bendum á að hagstæðasta verðið fæst með því að panta gallana nú. Þeir koma til með að hækka eitthvað í seinni pöntunum, -þegar ekki næst sami magnafsláttur og nú. Verðið er nú kr. 7850 fyrir barnagallana og í kringum 9.000 fyrir fullorðinsgallana. Hægt er að fá nafnið sitt prentað á gallann fyrir kr 600.

Þjálfarar taka við skráningum nýliða á æfingum næstu daga (og vikur). Við biðjum foreldra þeirra barna sem eru að byrja að fylgja börnum sínum á fyrstu æfinguna og fylla út skráningarblað hjá þjálfurum. Æfingagjald greiðist inn á reiknin UFA  145-26-7701 kt. 520692-2589 upplýsingar um verð fyrir hvern flokk er að finna udnir linknum "æfingar og gjaldskrá" hér til vinstri á síðunni. Senda þarf staðfestingu á greiðslu með nafni barns á netfangið: huldaolafsdottir@simnet.is Ef nýta á tómstundaávísun frá Akureyrarbæ má koma henni á heimilisfang gjaldkera: þórunnarstræti 97. Möguleiki er að fá greiðsluseðil fyrir æfingagjöldum en þá þarf að vera búið að sedna upplýsingar um greiðanda fyrir 24. júní á netfang gjaldkera.

Næstkomandi laugardag höldum við UFA daginn á Þórsvellinum milli kl. 11 og 14.

Tekið verður á móti æfingagjöldum, buff og æfingapeysur verða til sölu og hægt verður að skipta á gadda- og æfingaskóm. Einnig verður hægt að máta og panta nýja æfingagallann. Farið verður í leiki og boðið upp á veitingar.  Við hvetjum alla til að mæta í íþróttafatnaði og taka þátt.

Stjórn UFA og þjálfarar