Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Góð þátttaka í fyrsta vetrarhlaupinu
Fyrsta vetrarhlaup vetrarins fór fram í morgun við bestu aðstæður, auðar götur, svolítil rigning en nánast logn. Hátt í fjörutíu hlauparar voru mættir til leiks og hlupu að venju 10 km hring frá Bjargi. Rannveig Oddsdóttir kom fyrst í mark á 39:21 og var aðeins sekúndu frá því að slá eigið brautarmet sett í október 2007. Á hæla hennar kom Stefán Viðar Sigtryggsson á 39:23 -en hann mun vera að "hvíla" fyrir járnkallinn um næstu helgi. Annar karla var Finnur Dagsson á 40:31 og þriðji var Snæþór Aðalsteinsson á 41:25. Önnur kvenna var Sigríður Björg Einarsdóttir á 45:07 og þriðja var Sonja Sif Jóhannsdóttir á 45:26. Mjótt var á mununum í liðakeppninni og aðeins þriggja mínútna munur á samanlögðum tíma fyrstu fjögurra sveita svo það lítur út fyrir æsispennandi stigakeppni í vetur. Hér má sjá tíma allra sem hlupu og stöðuna í stigakeppni einstaklinga og liða eftir fyrsta hlaupið.
Vetrarhlaup á laugardag
UFA stendur fyrir hlaupasyrpu í vetur eins og undanfarin ár. Hlaupin verða sex talsins og fara fram síðasta laugardag í mánuði frá október og fram í mars. Hlaupinn er 10 km hringur og er keppt í stigakeppni einstaklinga og liða. Fyrsta hlaupið fer fram næstkomandi laugardag 29. október og hefst við Bjarg kl. 11:00. Nánari upplýsingar hér.
Úrvals- og afrekshópar FRÍ 2011-2012
Frjálsíþróttasamband Íslands kynnti nýlega nýja afreks- og úrvalshópa ungmenna. Í þessum hópum eru þeir einstaklingar sem náð hafa tilskildum árangri í sínum aldursflokkum. UFA á orðið sjö iðkendur í þessum hópum, en þeir eru:
F. 1996: Ásgerður Jana Ágústsdóttir.
F. 1994 og 1995: Kolbeinn Höður Gunnarsson.
F. 1992 og 1993: Örn Dúi Kristjánsson, Eiríkur Árni Árnason, Agnes Eva Þórarinsdóttir og Heiðrún Dís Stefánsdóttir.
F. 1989,1990 og 1991: Bjarki Gíslason
Kolbeinn Höður nær einnig lágmörkum í sínum greinum inn í afrekshópinn.
Þetta er glæsilegur hópur sem UFA getur verið stolt af og gaman verður að fylgjast með. Á fri.is má sjá nánar um árangur þeirra undir unglingalandslið vi megin á síðunni.
Lesa meira
F. 1996: Ásgerður Jana Ágústsdóttir.
F. 1994 og 1995: Kolbeinn Höður Gunnarsson.
F. 1992 og 1993: Örn Dúi Kristjánsson, Eiríkur Árni Árnason, Agnes Eva Þórarinsdóttir og Heiðrún Dís Stefánsdóttir.
F. 1989,1990 og 1991: Bjarki Gíslason
Kolbeinn Höður nær einnig lágmörkum í sínum greinum inn í afrekshópinn.
Þetta er glæsilegur hópur sem UFA getur verið stolt af og gaman verður að fylgjast með. Á fri.is má sjá nánar um árangur þeirra undir unglingalandslið vi megin á síðunni.
