Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Fréttir af aðalfundi
Aðalfundur UFA var haldin í Íþróttahöllinni í gærkvöld.
Jón Pálsson gjaldkeri UMFÍ ávarpaði fundinn og veitti þjálfurunum Unnari og Gísla starfsmerki UMFÍ fyrir vel unnin störf í þágu hreyfingarinnar.
Ný stjórn var kjörin. Fjórir gengu úr stjórn, þau Fjalar Freyr Einarsson, Hulda Ólafsdóttir, Helgi Þorbjörn Svavarsson og Sigurður Hrafn Þorkelsson. Gunnar Gíslason, Rannveig Oddsdóttir og Elfar Eiðsson gáfu kost á sér áfram og Þröstur Már Pálmason, Gyða Árnadóttir, Þórólfur Sveinsson og Theódóra Kristjánsdóttir koma ný inn í stjórn.
Tillaga um að leggja niður Afreks- og styrktarsjóð UFA í núverandi mynd og stofna þess í stað tvo nýja sjóði, Afreksmannasjóð UFA og Verkefnasjóð UFA var samþykkt, ásamt reglugerð um skiptingu lottótekna.
Tillaga um að stofna öldungadeild fyrir 45 ára og eldri innan félagssins var samþykkt. Einn megintilgangur með stofnun hennar er að hvetja til þátttöku á Landsmótum UMFÍ 50+ auk þess sem það er talið styrkja starf félagsins að fá þennan aldurshóp inn.
Samþykkt var að sækja um að halda Landsmót 50+ 2013 og Unglingalandsmót 2015.
Lögð voru fram drög að starfsreglum fyrir meistaraflokkstáð og þrír fulltrúar kjörnir í stjórn þess, Aðalbjörg Hafsteinsdóttir, Þórunn Erlingsdóttir og Svanhildur Karlsdóttir.
Aðalfundur 29. febrúar
Aðalfundur UFA verður haldinn miðvikudaginn 29. febrúar kl. 20.00 í kaffiteríu Íþróttahallarinnar.
Dagskrá:
Kosning starfsmanna fundarins
Skýrsla stjórnar - sjá hér
Ársreikningar - sjá hér
Fjárhagsáætlun og starfsáætlun fyrir árið 2012
Ávörp gesta
Kosning stjórnar og endurskoðenda
Önnur mál
Tillögur um breytingar á styrktarsjóði - sjá nánar hér .
Tillaga um stofnun öldungadeildar - 45+
Umsókn um Unglingalandsmót - Samvinna við ÍBA?
Umsókn um Landsmót 50+
Úrslit í 2-þraut
Langhlaupa- og þríþrautardeild UFA og Þríþrautarfélag norðurlands stóðu í morgun fyrir keppni í 2-þraut í sundlaug Akureyrar og Átaki. Átján keppendur mættu til leiks og syndu 400 m og hlupu 3 km. Keppt var í tveimur aldursflokkum karla og kvenna, 39 ára og yngri og 40 ára og eldri. Í yngri flokki karla sigraði Birgir Viktor á 17:09 annar var Benedikt Sigurðsson á 18:02 og þriðji var Axel Ernir Viðarsson á 23:37. Í eldri flokki karla sigraði Stefán Viðar Sigtryggsson á 19:38 annar var Finnur Dagsson á 20:56 og þriðji var Hafliði Sævarsson á 22:48. Í yngri flokki kvenna sigraði Rannveig Oddsdóttir á 21:11 önnur var Vigdís Hallgrímsdóttir á 21:24 og þriðja var Guðlaug Þóra Marinósdóttir á 21:36. Í eldri flokki kvenna sigraði Sólveig Haraldsdóttir á 35:24 og Jennifer Lail var önnur á 39:31. Hér má sjá tíma allra þátttakenda.
Lesa meira
