Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
UFA dagurinn
Næstkomandi mánudag 11. júní kl. 17:00-19:00 ætlum við að gera okkur glaðan dag og halda UFA daginn eins og gert hefur verið undanfarin vor. Gleðin mun fara fram á Þórsvellinum, farið verður í leiki og boðið upp á grillaðar pylsur. Tekið verður við skráningu nýrra iðkenda og greiðslu æfingagjalda og ýmiss UFA varningur verður til sölu (buff, bolir o.fl.) einnig geta iðkendur nýtt tækifærið til að skipta á gaddaskóm og æfingafatnaði. Við hvetjum gamla og nýja iðkendur til að mæta og taka þátt í gleðinni.
Stjórnin
Meistaramót Íslands í fjölþrautum
Meistaramót Íslands í fjölþrautum fór fram við bestu hugsanlegu aðstæður í hita og sól á Selfossi nú um sl helgi. UFA sendi 3 keppendur á mótið sem var samkvæmt venju fámennt, enda eins og þekkt er fáir sem leggja sig eftir svo erfiðri keppni sem fjölþrautirnar eru.
Ásgerður Jana Ágústsdóttir stórbætti árangur sinn í flokki 17-18 ára stúlkna er hún varð Íslandsmeistari með um 600 stiga bætingu. Hún hlaut 4694 stig og tryggði sér með því þátttöku á Norðurlandameistaramóti í fjölþrautum 16-17. júní í Sandnes í Noregi.
Rakel Ósk Björnsdóttir vann silfurverðlaun í sjöþraut kvenna með 3603 stig í sinni fyrstu þraut og Stefán Þór Jósefsson stórbætti sig, hlaut 5304 stig og fékk silfur í flokki 18-19 ára pilta.
Næsta mót hjá meistaraflokki er fimmtarþraut UMSS á Sauðárkróki 16. júní fyrir hluta iðkenda og svo Sumarleikar HSÞ á Laugum 23.-24. júní en þar taka væntanlega allir úr meistaraflokki þátt ásamt yngri flokkunum sem vanalega hafa fjölmennt ásamt fjölskyldum á þetta skemmtilega mót.
Lesa meira
Ásgerður Jana Ágústsdóttir stórbætti árangur sinn í flokki 17-18 ára stúlkna er hún varð Íslandsmeistari með um 600 stiga bætingu. Hún hlaut 4694 stig og tryggði sér með því þátttöku á Norðurlandameistaramóti í fjölþrautum 16-17. júní í Sandnes í Noregi.
Rakel Ósk Björnsdóttir vann silfurverðlaun í sjöþraut kvenna með 3603 stig í sinni fyrstu þraut og Stefán Þór Jósefsson stórbætti sig, hlaut 5304 stig og fékk silfur í flokki 18-19 ára pilta.
Næsta mót hjá meistaraflokki er fimmtarþraut UMSS á Sauðárkróki 16. júní fyrir hluta iðkenda og svo Sumarleikar HSÞ á Laugum 23.-24. júní en þar taka væntanlega allir úr meistaraflokki þátt ásamt yngri flokkunum sem vanalega hafa fjölmennt ásamt fjölskyldum á þetta skemmtilega mót.
Hafdís á alþjóðlegu móti í Noregi
Hafdís Sigurðardóttir keppti á alþjóðlegu móti í Florö í Noregi á laugardaginn. Árangur Hafdísar var frábær en hún stökk 6,14m í langstökkinu og varð í 4.sæti í jafnri keppni um 2.-4.sætið. Hún var svo í íslensku boðhlaupssveitinni í 4x400m hlaupi og komu þær í mark á tímanum 3:44,69sek og urðu í 3.sæti, þetta er besti tími hjá íslenskri boðhlaupssveit kvenna í 15 ár. Auk Hafdísar voru þær Aníta Hinriksdóttir ÍR, Fjóla Signý Hannesdóttir HSK og Stefanía Valdimarsdóttir úr Breiðabliki í sveitinni.
Lesa meira
