Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Sumaræfingum að ljúka
Í dag er síðasta æfing sumarsins hjá yngstu flokkunum þ.e. 8 til 10 ára og 7 ára og yngri. Þá verður síðasta æfing sumarsins hjá 11 - 15 ára á föstudaginn en þau ljúka tímabilinu með þátttöku í Bikarkeppni FRÍ, sem haldin verður í Laugardalnum í Reykjavík næskomandi sunnudag 19. ágúst. Reiknað er með því að hefja æfingar að nýju í byrjun september og verða tímasetningar auglýstar með vefpósti og hér á heimasíðunni.
Stjórn UFA þakkar öllum iðkendum og þjálfurum fyrir gott og árangursrikt sumar. Vonumst við til að sjá sem flesta iðkendur koma á æfingar aftur í haust.
Norðurlandamót 19 ára og yngri
Nórðurlandamót 19ára og yngri verður haldið í Vaxjö í Svíþjóð um næstu helgi. Sextán keppendur hafa verið valdir til keppni þar, en Íslendingar senda sameiginlegt lið með Dönum eins og áður, og geta því aðeins sent einn keppanda í grein. Þau Ásgerður Jana Ágústsdóttir og Kolbeinn Höður Gunnarsson UFA hafa verið valin og mun Ásgerður Jana keppa í hástökki og kúluvarpi en Kolbeinn Höður í 200m og 400m hlaupum ásamt 4x100m og 4x400m boðhlaupum.
Lesa meira
Hafdís í íþróttamannanefnd FRÍ
Íþróttamannanefnd FRÍ er nefnd sem fjallar um málefni sem sérstaklega varða íþróttafólk og á að vera stjórn FRÍ til ráðgjafar um þau mál. Á MÍ í síðasta mánuði voru 5 einstaklingar kjörnir í nefndina af keppendum mótsins. Þau sem kjörin voru eru Aníta Hinriksdóttir ÍR, Ásdís Hjálmsdóttir Ármanni, Dagur Fannar Magnússon HSK, Hafdís Sigurðardóttir UFA og Ingi Rúnar Kristinsson Breiðabliki.
