Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Úrslit á fyrri degi á NM í þraut
Eins og fyrr var sagt eru Bjarki og Bjartmar báðir staddir í Danmörku á vegum landsliðsins í frjálsum íþróttum.
Bjartmar hefur ekki enn hafið keppni í Evrópubikarnum en Bjarki lauk í dag fyrri degi á NM í fjölþrautum. Eftir fimm greinar er hann í 5 sæti með 3116 stig.
Bjarki keppir í drengjaþraut sem er aðeins frábrugðin hefðbundnu karlaþrautinni.
Árangur Bjarka í dag er eftirfarandi: 110m grind - 15,59 sek, kringla - 29,14m, stöng - 4,23m, spjót - 44,05m, 300m - 37,92sek. Hægt er að skoða nánari úrslit á slóðinni http://www.vejle-if.dk/njcce2007/res-uni.htm.
Ýmslegt getur þó enn breyst þar sem þrautin er aðeins hálfnuð en keppni hefst aftur snemma í fyrramálið.
Bjartmar hleypur 800m í Óðinsvéum kl. 12:50 á morgun að íslenskum tíma. Bjartmar, sem er á 19. aldursári, er að fara að hlaupa með mörgum bestu hlaupurum Evrópu. Hægt er að fylgjast með úrslitum af Evrópubikarnum á slóðinni www.dansk-atletik.dk/ecup07.
Við bíðum því spennt eftir að sjá hvað morgundagurinn ber með sér!
Goggi galvaski
Í gær hófst Stórhátíð Gogga galvaska sem er mót fyrir krakka 14 ára og yngri og haldið í Mosfellsbæ. Fimm iðkendur hjá UFA taka þátt í mótinu og eru þau öll að standa sig með miklum sóma.
Þetta eru þau: Steinar Gauti, Ásgerður Jana, Auður Brynja, Agnes Eva og Heiðrún Dís. Fóru þau öll á eigin vegum þar sem ekki var mögulegt að bjóða upp á ferð suður af hálfu félagsins.
Í dag unnu tveir úr hópnum til verðlauna. Auður náði silfri í kúluvarpi, í flokki stelpna 11-12 ára, með kasti upp á 9,01m og Agnes hampaði tvennum bronsverðlaunum í flokki telpna 13-14 ára, annars vegar í langstökki þegar hún stökk 4,84m og hins vegar í 80m grindahlaupi á tímanum13,68 sek. Við óskum þeim innilega til hamingju með þennan glæsilega árangur!
Fleiri glæsilegir árangar litu dagsins ljós og m.a. varð Auður einnig í 5. sæti í spjótkasti, Ásgerður Jana komst í úrslit í 60m hlaupi (þess má geta að hún er á yngra ári í sínum flokki) og Heiðrún hljóp í úrslitum í 80m grindahlaupi.
Frekari úrslit má finna á síðunni www.mot.fri.is undir tenglinum ,,Stórhátíð Gogga galvaska".
Við óskum fimmmenningunum áframhaldandi velgengni á seinni degi mótsins.
Góður árangur hjá UFA langhlaupurum í Mývatnsmaraþoni
Heldur napurt var í við Mývatn í dag, hiti um 5-6°c og strekkingsvindur. En langhlauparar úr UFA létu það ekki á sig fá og náðu ágætum árangri í hlaupinu. Félagarnir Valur Þór Himarsson og Halldór Arinbjarnarson hlupu heilt maraþon og náðu ágætum árangri í kulda og trekki. Valur Þór var að hlaupa sitt fyrsta heila maraþon og lauk hlaupinu á 3:37:02 félagi hans Halldór átti ekki eins góðan dag og var 7 mínútum lengur. Í hálfu maraþoni sigraði Rannveig Oddsdóttir í kvennaflokki og hljóp á 1:26:10 og Sigríður Einarsdóttir var önnur á 1:37:29 en hún var að hlaupa sitt fyrsta hálfa maraþon. Þær stöllur skipuðu sveit með Gísla Sverrissyni og sigraði sveitin sveitakeppnina í hálfu maraþoni. Tveir nýliðar sem tóku þátt í hlaupanámskeiði langhlauparadeildarinnar nú á vordögum kepptu í 10 km. hlaupi og gerði önnur þeirra, Rakel Dögg sér lítið fyrir og náði þriðja sæti í kvennaflokki. Hér má lesa meira um hlaupið.
Lesa meira
