Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Stórmót ÍR og Reykjavíkurleikarnir
Nú um helgina fer fram Stórmót ÍR í Laugardalshöllinni. 18 keppendur frá UFA taka þátt í Stórmótinu og Bjarki og Bjatmar taka þátt í Reykjavíkurleikunum sem er boðsmót þar sem bestu frjálsíþróttamenn Íslands taka þátt auk erlendra gesta. Bjarki keppir í langstökki en Bjartmar í 800 m hlaupi.
Lesa meira
Íþróttamaður Akureyrar 2007
Á morgun miðvikudaginn 16. janúar kl. 20:00 verður tilkynnt um val á Íþróttamanni Akureyrar í hófi í Ketilhúsinu. Þá verður einnig skrifað undir styrktarsaming við Akureyrarbæ v/ Bjartmars. Hvetjum velunnara félagsins til að mæta og hylla okkar menn.
Lesa meira
Metþáttaka í Gamlárshlaupi
Gamlárshlaup UFA fór fram í morgun og var mjög vel sótt. Um hundrað manns tóku þátt og hlupu eða gengu 4 eða 10 km. Flestir voru þátttakendur í 10 km. hlaupi en 61 hlaupari hljóp þá vegalengd, sem er tvöföldun frá því í fyrra -sem taldist þó gott ár. Í 4 km. hlaupi voru þátttakendur 28 og 10 manns gengu 10 km. Árið hvefur verið gott ár í almenningshlaupum á Akureyri og greinilegt að æ fleiri hlaupa sér til ánægju og heilsubótar.
Í 4 km. hlaupi kom Jakob Hafsteinsson fyrstur í mark á tímanum 17:30, annar var faðir hans Hafsteinn Jakobsson á 18:09 og þriðji var Hlynur Jóhannsson á 18:29. Fyrst kvenna var Halldóra S. Halldórsdóttir á 19:55 önnur var Arna Björk Jónasardóttir á 19:55 og þriðja var Inga Vala Gísladóttir á 20:18.
Í 10 km. hlaupi sigraði Sigurbjörn Árni Arngrímsson á tímanum 35:48, annar var Bjartmar Örnuson á 36:27 og þriðji var Sveinn Margreisson á 36:37. Fyrst kvenna var Rannveig Oddsdóttir á 43:12.önnur var Sigríður Einarsdóttir á 43:46 og þriðja var Ólöf G. Ólafsdóttir á 46:29.
Þar sem fjöldi þátttakenda fór langt fram úr björtustu vonum mótshaldara kláruðust viðurkenningarskjölin og einhverjir fengu "leiðrétt" skjöl. Þeir sem óska eftir að fá nýtt viðurkenningarskjal með réttri vegalengd geta sent póst á svanni@centrum.is og fá þá sent nýtt skjal.
