Við bjóðum upp á stórskemmtilegt hringsól í Kjarnaskógi í vetrarhlaupi nr. 2 þar sem ríkishringurinn og þverbrautin verða í lykilhlutverki. Leiðin er eftirfarandi og er rúmlega 5 km löng:
Rás- og endamark er við Kjarnakot. Hlaupið er rangsælis eftir ríkishringnum (upp hjá elsta leiksvæðinu í byrjun) þar til komið er að þverbrautinni að neðanverðu. Hlaupið upp þverbrautina og beygt til hægri þegar komið er upp á ríkishringinn og hlaupinn einn hringur réttsælis. Niður þverbrautina eftir þann hring og í mark við Kjarnakot.
