Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Íslandsmeistarar UFA 2011
Í árlegu hófi Íþróttaráðs Akureyrarbæjar s.l. þriðjudag 27. desember var Íslandsmeisturum UFA árið 2011 veitt viðurkenning í formi viðurkenningarskjals sem verður hengt upp í aðsetri félagsins. Sennilega hafa Íslandsmeistaratitlarnir aldrei verið fleiri í sögu félagsins og aldrei fleiri einstaklingar náð þessum árangri eða 19.
Gamlárshlaup og ganga
Gamlárshlaup og ganga UFA fer að venju fram á gamlársdag. Eins og undanfarin ár er hlaupið frá líkamsræktarstöðinni Bjargi, 10 km ganga fer af stað kl. 10:00 en 10 km hlaup og 5 km hlaup og ganga kl. 11:00. Að hlaupi loknu verður boðið upp á súpu, veitt verðlaun fyrir flottustu búningana og útdráttarverðlaun. Við hvetjum alla til að taka þátt í skemmtilegu hlaupi og styrkja um leið frjálsíþróttafólk UFA.
Fréttatilkynning frá Íþróttaráði Akureyrarbæjar
Hin árlega úthlutun úr Afreks- og styrktarsjóði Akureyrarbæjar fer fram í hófi sem haldið verður í Íþróttahöllinni þriðjudaginn 27. desember kl 16:15 þar sem afhent verða viðurkenningarskjöl Íþróttaráðs Akureyrar til hvers félags fyrir sig. Árangur akureyrskra íþróttamanna var góður á árinu. Samkvæmt upplýsingum sem borist hafa til stjórnar sjóðsins hafa 162 íslandsmeistaratitlar unnist á árinu og einnig voru margir Akureyringar valdir til leiks með landsliðum í hinum ýmsu íþróttagreinum. Það er von Íþróttaráðs að þessir glæsilegu afreksmenn, þjálfarar þeirra og forystumenn íþróttahreyfinga á Akureyri sjái sér fært að koma til athafnarinnar. Góðar veitingar verða fram bornar í boði Akureyrarbæjar.
Lesa meira
