Fréttir

Silfurleikar ÍR fóru fram í Laugardalshöllinni í Reykjavík í dag. Keppendur voru 666 talsins. Mótið er nefnt Silfurleikar til að minnast stórkostlegs afreks Vilhjálms Einarssonar sem vann til silfurverðlauna á Ólympíuleikunum í Melbourne í Ástralíu árið 1956.
Keppendur frá UFA voru fjórir.
Kolbeinn Höður Gunnarsson sigraði 200m hlaup 16-17 ára á 22,46 sek og einnig 800m hlaup á 2:03,69 mín, og varð annar í 60m hlaupi á 7,24sek.
Ásgerður Jana Ágústsdóttir varð í 2.sæti í kúluvarpi 16-17 ára, kastaði 12,55m og í 3. sæti í hástökki en hún stökk 1,62m.

Nóvembermót UFA fór fram í Boganum sl. sunnudag. Mótið gekk mjög vel og voru keppendur 111 talsins frá UFA og nágrannafélögunum, keppendur frá ÚÍA og Glóa á Siglufirði komust reyndar ekki vegna veðurs og ófærðar. Sjá má öll úrslit inn á fri.is undir mótaforrit. Í lok mótsins var keppendum og starfsmönnum boðið upp á pizzu og safa. UFA þakkar keppendum og starfsmönnum fyrir þátttökuna.

Íþrótta- og afreksnefnd FRÍ hefur nú útnefnt afreksíþróttafólk ársins 2012.
Besta spretthlaupafrek ársins á Hafdís Sigurðardóttir UFA en hún hlýtur 1052 stig samkv. stigatöflu IAAF fyrir 24,0 sek í 200m hlaupi.