Fréttir

18. júlí 2013 Kolbeinn Höður keppti í dag í 400 m hlaupi á EM 19 ára og yngri. Kolbeinn hljóp á 48,06 sem er hans besti tími til þessa og aðeins steinsnar frá íslandsmeti í greininni í flokki 18–19 ára sem er 48,03. Kolbeinn hafnaði í 18 sæti af 28 keppendum og komst ekki áfram í undanúrslit en keppir á morgun í 200 m hlaupi.

16. júlí 2013 Kolbeinn Höður Gunnarsson úr UFA er einn fimm íslenskra keppenda á EM 19 ára og yngri sem fram fer á Ítalíu 18.–21. júlí. Kolbeinn keppir í 400 og 200 m hlaupum. Undankeppni í 400 m hlaupi fer fram á fimmtudag og úrslit á föstudag og undankeppni í 200 m hlaupi er á föstudag og úrslit á laugardag.

14. júlí 2013 Ásgerður Jana Ágúsdóttir lauk í gær keppni í sjöþraut á heimsmeistaramóti 17 ára og yngri sem fram fer í Úkraínu. Jana náði 4041 stigi í þrautinni og hafnaði í 34 sæti. Í 200 og 800 m hlaupi náði Jana sínum besta árangri til þessa, hljóp 200 m á 27,28 s og 800 m á 2:34,82. Í spjótkastinu gekk hins vegar ekki eins vel því þar gerði hún öll köstin ógild og fékk því ekkert stig fyrir þá grein. Engu að síður ágætur áragnur á fyrsta stórmóti þessarai ungu og efnilegu íþróttakonu.