Fréttir

Á aðalfundi í febrúar var samþykkt að innheimt yrði árgjald af félagsmönnum 2.500 kr. Greiðslubeiðni hefur nú verið send út til allra skráðra félagsmanna 18 ára og eldri og birtist sem valkrafa í heimabanka. Félagsgjöldin verða meðal annars notuð til að standa straum af kostnaði við heimasíðu en verið er að vinna í nýrri heimasíðu sem mun taka við af þessari innan fárra daga.

Sigurbjörn Árni Arngrímsson heldur fyrirlestur á Bjargi laugardaginn 28. september kl. 13:00. Fyrirlesturinn ber heitið: Ertu að hlaupa á réttum hraða?

Annað hlaupið í Víðavangshlaupaseríu UFA Eyrarskokks verður haldið næstkomandi laugardag. Hlaupið hefst kl. 11:00 og að þessu sinni verður hlaupið um túnið sunnan og neðan við Giljahverfi, við gatnamót Hlíðarfjallsbrautar og Hlíðarbrautar (rétt við Gúmmívinnsluna). Hægt er að leggja í botnlanga í Vættagili, eða við Gúmmívinnsluna. Tvær vegalengdir: 1 km og 6 km (6 hringir). Seinnahlaupið hefst 10 mín eftir að fyrrahlaupið klárast svo hægt verður að hlaupa bæði hlaupin. Keppt í stigakeppni í krakkaflokkum, unglingaflokkum og fullorðinsflokki. Hvor vegalengd fyrir sig gefur stig, 10 stig fyrir fyrsta sæti, 9 stig fyrir annað sæti o.s.frv. hlaupin verða alls fjögur og fara fram 14 sept. 28. sept 12. okt og 26. okt. Verðlaun verða veitt fyrir stigahæstu einstaklinga eftir síðasta hlaupið.