Fréttir

Þriðja og síðasta keppnisdegi Unglingalandsmótsins er lokið og var mótinu slitið nú í kvöld. Þetta var önnur stærsta útihátíðin yfir helgina en ólíkt öðrum hátíðum þá hefur þessi verið blessunarlega laus við vandamál sem virðast fylgja flestum öðrum útihátíðum. Vinsældir mótsins hafa aukist ár frá ári en þetta var í 10. sinn sem mótið var haldið. Á næsta ári verður mótið haldið á Þorlákshöfn og árið 2009 á Grundarfirði.

Úrslitin hjá okkar fólki í dag voru ekki af verri endanum frekar en vanalega.

Ásgerður Jana varð 1. í hástökki og 3. í langstökki í flokki 11 ára stelpna.
Bjarki Kjartansson náði 3. sæti í 60m hlaupi 12 ára stráka.
Elise Marie varð 2. í hástökki 13 ára stelpna.
Agnes Eva varð 3. í langstökki 14 ára stelpna.
Snorri Björn vann 1. sætið í 100m hlaupi og 3. sætið spjótkasti 14 ára stráka.
Kristján Ingi varð 2. í langstökki 17-18 ára stráka.

Boðhlaupsveit 14 ára strákanna okkar náði silfrinu í 4x100m, en í henni voru Snorri, Sindri, Örn Dúi og Hjalti.
Boðhlaupssveit sem Elvar Örn og Kristján voru hluti af, vann flokk 17-18 ára stráka.

Óskum við öllu okkar fólki til hamingju með glæsilegan árangur helgarinnar og vonum af allir hafi skemmt sér vel.

Önnur stærsta útihátíðin um helgina er, samkvæmt fréttum, Unglingalandsmótið á Höfn í Hornafirði.  Talið er að þar sé um 6000 manns. Þar af eru 18 keppendur frá UFA ásamt fjölskyldum sínum.  Veður hefur verið með besta móti og mótið gengið vel, frekari fréttir eru á www.ulm.is.  Keppni hófst í gær og voru okkar krakkar að standa sig með sóma.  Ef stiklað er á stóru þá eru helstu úrslit þessi:

Föstudagur:
Ásgerður Jana varð 3. í spjóti í flokki 11 ára stelpna.
Bjarki Kjartansson státar af 1. sæti í langstökki 12 ára stráka.
Hjalti Björnsson varð 2. í spjótkasti 13 ára stráka.
Heiðrún Dís náði 3. sæti í spjótkasti 14 ára stelpna.
Snorri Björn varð einnig 3. í kúluvarpi í flokki 14 ára stráka.
Þorsteinn Helgi hampaði 1. sætinu í kúluvarpi í flokki 17-18 ára stráka.

Laugardagur:
Bjarki Kjartansson vann 1. sætið í hástökki 12 ára stráka.
Snorri Björn varð 1. í 800m hlaupi 14 ára stráka.
Þorsteinn Helgi vann 1. sætið bæði í hástökki og spjótkasti í flokki 17-18 ára stráka.

Þetta eru aðeins árangrar þeirra sem náðu á verðlaunapall en auk þeirra voru margir að ná árangri sem dugir í úrslit ýmissa greina og margir með persónulegar bætingar.  Of langt mál yrði að telja upp alla góðu árangrana sem hafa náðst á þessum tveimur dögum, en við óskum krökkunum engu að síður til hamingju með þá.
Á morgun er síðasti keppnisdagurinn og verður mótinu slitið annaðkvöld með stórri flugeldasýningu og balli.  Við óskum öllum sem staddir eru á Höfn góðs gengis á morgun og síðast en ekki síst, góðrar skemmtunnar!

Bjartmar Örnuson var sá eini sem náði verðlaunasæti um helgina en hann fékk silfur í 800 m hlaupi, önnur stigasæti voru Bjartmar 4. í 1500 m hlaupi, Þorsteinn Helgi 5. í 110 grind, Elvar Freyr 5. í 400 grind og 6. 110 m grind, Bjarki 5. í þrístökki, Elvar Örn 5. í stöng og Inga Vala 6. í 800 m hlaupi.