Langar þig að hlaupa?
UFA Eyrarskokk býður upp á hlaupaæfingar við allra hæfi. Kynntu þér málið og prófaðu að kíkja á æfingu.
Flýtilyklar
Fréttir
Karlaliðið í 2. sæti í Bikarnum
Karlaliðið hafnaði í 2. sæti og kvennaliðið í 5. sæti, samanlagt í 4. sæti með 101 stig. Karlasveitin sigraði 4x400 m boðhlaup á tíma sem er undir Íslandsmeti 3:21,27 en fæst ekki viðurkennt þar sem keppendur voru úr fleiri en 1 félagi. B-lið Norðurlands hafnaði í neðsta sæti en öðlaðist mikla reynslu og einhverjir voru að bæta sig. Þetta mót sýnir okkur að við eigum fullt erindi á móti stóru félögunum. Tökum Bikarinn á næsta ári.
Lesa meira
Starri og Rannveig fyrst í vetrarhlaupi
Fimmta vetrarhlaup UFA fór fram í morgun. Keppendur voru 16 sem er óvenju fátt. Ekki verður dræm þátttaka skrifuð á veður eða færð því göturnar voru marauðar og veður hið ákjósanlegasta til langhlaupa, svolítið svalt en stillt. Starri Heiðmarsson var fyrstur í mark á tímanum 41:31, mínútu á eftir honum kom fyrsta kona Rannveig Oddsdóttir í mark og þar á eftir Heimir Guðlaugsson á 42:56 og fast á hæla honum kom önnur kona, Sigríður Einarsdóttir.
Hér má sjá tíma allra sem hlupu og stöðuna í stigakeppninni þegar aðeins eitt hlaup er eftir.
Bikarkeppni innanhús sunnudaginn 24. febrúar
HSÞ, UFA, UMSE og UMSS tefla fram sameiginlegum liðum í keppninni um helgina. Vonum að Bikarlið Norðurlands A veiti stóru liðunum harða samkeppni um helgina og B-liðið öðlist reynslu í keppni við alla bestu frjálsíþróttamenn þjóðarinnar, gangi ykkur vel. Farið verður frá Boganum kl. 13:00 á laugardag.
Lesa meira
